Bertsoak - Fitxa ikusi Atal honi buruz gehiago jakiteko
2002-01-06 Oiartzun Jaialdia [Bertsoa] / Aitor Mendiluze
| Bertsoa entzun |
2002-01-06 Oiartzun Jaialdia [Bertsoa] / Aitor Mendiluze
Neurria:
Neurri berezikoak
Kokapena:
XDZ - Xenpelar Dokumentazio Zentroa
Lehenbizi nintzen oso aparte
orain naiz Euskal Herriko parte
ta pentsatzen det bertan badela
nahiko mesede ta kalte. (bis)
Denek zenbat borondate!
Errespetatu ta maite...
denek "Lasai etor zaite";
denek trago bat ordaindu eta
eskua ematen didate
herri berean, portal berean
bizilagun nauten arte. (bis)
Nahiz ta pentsatzen jardun luzaro
dudak baditut askoz gehiago
eta nahi arren ez zeratela
ezin pentsatu zeharo. (bis)
Ze begirada arraro
azala ta barrurago
sufritu izan det lehenago
ta nahiz ta ustez etxean izan
sarri etxean ez nago;
beti bezela hortan'e itxura
hitzaren gainetik dago. (bis)
Begira ditut hainbeste begi
eta aurrean hainbat aurpegi
ta pentsatzen det: lortzeko amets bat
ezin da izan zailegi; (bis)
saiatzea da zilegi
ahalegindu eta segi
noizbait egi bihur bedi.
Baina hori bai denon artean
egin behar degu egi;
nik lagunduko dizuet zuei
ta zuek lagundu neri. (bis)
Datu-base honetan eskainitako informazioari buruz jakiteko, kontsultatu lege oharra