BDB Bertsolaritzaren datu-basea

Informazio orokorra

Kategoria

Bat-batekoa

Saioa

2004-04-03 Zegama Jaialdia

Gai-emailea

Goikoetxea, Josu

Bertsolariak / Egileak

Goikoetxea, Ekaitz

Lana

Bakarka gaia-emanda

Jarritako gaia

Madrilgo atentatua gertatu eta berehala irudi gogorrak ikusi genituen telebistaz. Orain gutxi Iraken bost amerikar hil dituzte eta euren gorpuekin jolasean aritu dira. Zer deritzozu horri? Telebistaz horrelako irudiak ikusi behar al ditugu?

Deskribapena

Neurria / Estrofaren izena

Hamarreko handia (hg) / Bost puntuko handia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2004-04-03 Zegama Jaialdia [Bertsoa] / Ekaitz Goikoetxea

Neurria:  Hamarreko handia (hg) / Bost puntuko handia (ip) 
Kokapena:  XDZ - Xenpelar Dokumentazio Zentroa 

---

Munduan barna bidaiatzen det
telebista bitarteko.
Zoritxarrera ohituko geran
duda det dagoeneko.
Madril aldean negarrez dira
ta Iraken ez hobeto;
hildakoak'e hogeita hamar bat
segundun bataz besteko...
Mundu honek ertz gehiegi ditu
borobila izateko. (bis)

Zoritxarrera lerratzen dira
ia katerik gehienak.
"Ez da posible, ez da posible"
hori esaten dit senak.
Bihotzeraino iristen zaizkit
ume tristetuen penak.
Asmo onikan ba al zeraman
Atotxan lehertu zen trenak?
Bere burua gutxi maite du
hori egiten duenak. (bis)

Eguerdi hartan sentitu nintzen
ondoezik ta arraro
isiltasunaz joan nahi nuen
pantaila hutsaz harago.
Borondatean Madril aldeko
sendi guztiekin nago
bizitzak bizi aro guztiak
behar baititu igaro.
Trenbideetan heriorentzat
geltokirik ez al dago? (bis)