Bertsoak - Fitxa ikusi Atal honi buruz gehiago jakiteko
2004-01-05 Oñati Jaialdia [Bertsoa] / Aitor Mendiluze
| Bertsoa entzun |
2004-01-05 Oñati Jaialdia [Bertsoa] / Aitor Mendiluze
Neurria:
Neurri berezikoak
Kokapena:
XDZ - Xenpelar Dokumentazio Zentroa
Hasarratuta aterako zen
gaurkoan ere lanetik
ez dabil ondo errelebotan
jarri zuten egunetik;
etxera behintzat sartzen denean
irtenda bere onetik
pasa orduko atetik
ez naiz libratzen kolpetik.
Salaketa bat jarri nezake
baina salatu zergatik?
Jo egiten nau baina ez du nahi
maite nauela badakit. (bis)
Bere bizitzan gainditu ditu
hainbat traba, hainbat hesi
eta lehenengo egunetik ni
sentiarazi berezi
baina kontuak aldatu eta
ezin argirik ikusi
ezin naiz joan ihesi
bada hau ez det merez
Jotzen nau eta maite nauela
bururatzen zait lehenbizi
bai, bai, maite nau egia da bai
baina ezin naiz hola bizi. (bis)
Barrua daukat nik ubelduta
ez da bakarrik azala
lehen alditan pentsatzen nuen
errua nerea zala
baina dudatan jarri det hori
kolpe gehio jaso ahala
nahiz ta izan zerbitzala
beti tratatzen nau hala.
Azken aukera emango diot
nik maitasunez bezala
baina benetan da azkena hau
ta aukeratu dezala. (bis)
Datu-base honetan eskainitako informazioari buruz jakiteko, kontsultatu lege oharra