Bertsoak - Fitxa ikusi Atal honi buruz gehiago jakiteko
1999-03-05 Donostia Sariketa [Bertsoa] / Unai Agirre Goia
Bertsoa entzun |
1999-03-05 Donostia Sariketa [Bertsoa] / Unai Agirre Goia
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Hamar urtean hemen egon naiz
ta askatasuna meta,
ziega beltzean belztuak zaizkit
bihotza eta kopeta.
Orain kanpora aterea naiz
pozez, animoz beteta,
baina arantza txiki bat daukat
bihotz barruan gordeta:
barruan dauden milaka lagun
eta milaka maleta. (bis)
Funtzionarioen zapatapean
pasatu dut mila trago,
zakurrak legez tratatu naute
enbido eta hordago;
kaskotik ere erotua naiz
urte hauetan zeharo.
Nahiz askatasun eder hau baino
ezer ez nuan nahiago,
pareta denak bota artean
askatasunik ez dago. (bis)
Datu-base honetan eskainitako informazioari buruz jakiteko, kontsultatu lege oharra