Bertsoak - Fitxa ikusi Atal honi buruz gehiago jakiteko
1999-06-24 Andoain Jaialdia [Bertsoa] / Estitxu Arozena, Oihane Enbeita
| Bertsoa entzun |
1999-06-24 Andoain Jaialdia [Bertsoa] / Estitxu Arozena, Oihane Enbeita
Neurria:
KOPLEN MULTZOA
Kokapena:
XDZ - Xenpelar Dokumentazio Zentroa
O.Enbeita:
Erdi senar erdi apaiz,
maite nauela dio maiz. (bis)
Nik harremanik perfektuena
aukeratu nuen garaiz:
txakurra daukat katean eta
ni libre ibili ohi naiz. (bis)
E.Arozena:
Mintzatu zara arraro,
zure senarra gehiago; (bis)
nerea berriz liberala da
ta ni ere liberalago,
ni pozik nago maitatzen bainau
besteak baino gehiago. (bis)
O.Enbeita:
Guk maitasuna lehenbizi,
hori ez baitugu hautsi. (bis)
Sexua ere oparotasun
haundiz nahi dudanez bizi,
besteengandik ikasi ohi dut
ta berari irakatsi. (bis)
E.Arozena:
A zer nolako trantzea
bera ere enteratzea! (bis)
Autoestima ahularentzat
ze ederra den lortzea
lore gazteak ezagutu ta
berriz ere etortzea. (bis)
O.Enbeita:
Biok gaude erdi berdin,
erdi desberdinarekin; (bis)
Lopategi atzo etorri zen ta
nigaz ligatzeai ekin,
baina zu lasai egon zaitezke,
ez nion kasurik egin. (bis)
E.Arozena:
Kasu ez egina jakinik
lana erdia eginik. (bis)
Zure harremanen injustizia
hadik ikusten ditut nik,
hemen bakoitzak merezi baitu
ematen duena soilik. (bis)
O.Enbeita:
Gardentasunez beteta,
baina iluna kopeta. (bis)
Esandakoan arrazoi asko
daukazu neska gordeta,
niretzat asko, gizon askori
asko ematen diet eta. (bis)
E.Arozena:
Hartu-emanean sartuta
norrena ote da kulpa? (bis)
Segi ezazu zure etxera
zure esanak hartuta,
bestela zure senarrak laister
zerbait susmatuko du-ta! (bis)
Datu-base honetan eskainitako informazioari buruz jakiteko, kontsultatu lege oharra