BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertso Eguna (30. 1998. Donostia)

Saioa

1998-01-24 Donostia Jaialdia

Gai-jartzailea

Azula, Mirari

Bertsolariak / Egileak

Enbeita, Oihane

Lana

Bakarka gaia-emanda

Jarritako gaia

Zure aurrean badago inoiz oholtza gainean izan ez den jende ugari. Azaldu egiezu zer sentitzen den.

Deskribapena

Doinua

Gogoan daukat ez du aspaldi

Neurria / Estrofaren izena

Hamarreko handia (hg) / Bost puntuko handia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

1998-01-24 Donostia Jaialdia [Bertsoa] / Oihane Enbeita

Neurria:  Hamarreko handia (hg) / Bost puntuko handia (ip) 
Kokapena:  XDZ - Xenpelar Dokumentazio Zentroa 

---

Sentimenduen azalpena da
nahiko langintza nekeza,
bihotza letren menpe jartzea
ez da batere erreza;
une txarraren sustoa eta
une onaren sorpresa;
bahituak duen egonezina,
haur batek duen babesa;
biak batera sentitzen dira:
dena eta ezereza. (bis)

Seguridade falta ohi dago
tabladuaren harira,
zuei begira jarri nahi nuke
ta ez nago inora begira;
fokoetatik lausotasuna
datorkit begi-ninira,
zuek ematen baitidazue
nik ez daukadan distira,
zeuon txaloak sentitzen ditut
neure taupadak bailira. (bis)

Ideiak erraz nahastu daitezke
tablau gaineko unean,
bizitza oso bat korapilatu
momentuan sabelean.
Hala ta guztiz aurrera goaz
gozamenez gaudenean;
aprobazio keinu bat-edo
ikusi ohi dudanean,
haunditasun bat senti dezaket
nire txikitasunean. (bis)