Bertsoak - Fitxa ikusi   Atal honi buruz gehiago jakiteko

1998-07-16 Ermua Jaialdia [Bertsoa] / Beñat Gaztelurrutia, Arkaitz Ugartetxea

Bertsoa entzun  

Informazio orokorra

Kategoria
Bat-batekoa
Saioa
1998-07-16 Ermua Jaialdia
Gai-jartzailea
Ibaibarriaga, Asier
Bertsolariak / Egileak
Gaztelurrutia, Beñat
Ugartetxea, Arkaitz
Lana
Binaka gaia-emanda
Jarritako gaia
Baserri berean bizi diren bi anaia izango zarete, biak mutilzahar izateko bidean; Beñat anaia gaztea izango da eta Arkaitz zaharra. Anaia gaztea zaharra noiz ezkonduko zain dago, baserria beretzat bakarrik izateko.

Deskribapena

Doinua
Kantore berri xarmant batzuek
Neurria / Estrofaren izena
Zortziko handia (hg) / Lau puntuko handia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

1998-07-16 Ermua Jaialdia [Bertsoa] / Beñat Gaztelurrutia, Arkaitz Ugartetxea

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 

Ugartetxea:
Orain artean hauxe izan da
gu anai bion kartzela;
biok mutilzahar geratu gara,
hauxen da marka itzela!
Ta andregairik ezin bilatu
ene anaia motela;
biok batera bizi beharko
orain artean bezela. (bis)

Gaztelurrutia:
Zu ezkontzea izan dut beti
nere barreneko nahia;
bizimodu hau ezin da izan
inolaz ere alaia,
baina pentsatzen jarri ezkero
ikusten dut nahiko zaila;
ardi zaharrekin denbora lartxo
pasatzen duzu anaia! (bis)

Ugartetxea:
Gu elkarrekin biziko gara,
igual geure kalterako;
zuk hala nahiko zenduke baina
ni neu ez naiz aterako;
dena zeuretzat hartu nahi duzu
ta ez dut hartzen aintzako,
hartu ezazu baserria zeuk,
pinadiak neuretzako. (bis)

Gaztelurrutia:
Egia esan gure anaiak
aurpegi gogorra dauka;
berriro ere jarri behar dut
nik honekin muturtuta;
hitz pozoinduak bidali dizkit
eta nik ostera zaunka,
pinadiekin gelditu nahi du
basoak neuk garbituta! (bis)

Ugartetxea:
Era hontako kasua ez da
oso gutxitan gertatu,
nik pinadiak eskatu eta
anaia berriz kezkatu;
baina ez zara momentu hontan
gauza batetaz ohartu:
baserria neuk konpondu nuen
eta ez zaitez kejatu. (bis)

Gaztelurrutia:
Pena pixka bat ere ematen dit
nere anaiak uneka;
jokaera horrek ipintzen nau ni
goitik behera erreta.
Bakarrik nora joango ote zara
etxetik kanpo barreka?
Detergentea erabiltzen du
fregaua egiteko eta! (bis)

Datu-base honetan eskainitako informazioari buruz jakiteko, kontsultatu lege oharra