BDB Bertsolaritzaren datu-basea

Informazio orokorra

Kategoria

Bat-batekoa

Saioa

1997-09-05 Donostia Jaialdia

Gai-jartzailea

Madariaga, Joxepa

Bertsolariak / Egileak

Lizaso, Sebastian

Sorozabal, Jokin

Lana

Binaka gaia-emanda

Jarritako gaia

Ea bi hauen artean zerbait dezentea osatzen dugun! Jokin bertsolari ona da, primerakoa, baina kantari txarra, barregarria; Xebastian, berriz, bertsolari pattala baina kantari dotorea. Bion artean artista paregabea osa zenezakete. Jokinek bertsoa osatu behar du eta honek esandakoak Xebastianek dotore kantatuko ditu.

Deskribapena

Doinua

Ene Lukas maitea

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

1997-09-05 Donostia Jaialdia [Bertsoa] / Sebastian Lizaso, Jokin Sorozabal

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

Sorozabal (errezitatuz):
Nere ahotsa ez zen
horren aproposa,
zurekin elkartzea
neretzat hau poza!
Biok egingo degu
artista aproposa,
nere burua eta
zure altaboza.

Doinua: Mando baten gainian

S.Lizaso:
Nere ahotsa ez da
horren aproposa,
zurekin elkartzeak
ematen dit poza;
bion artean genzake
artista bat osa,
nere burua eta
zure altaboza.

Sorozabal (errezitatuz):
Nere buruan badet
hainbat pentsamendu,
gero honen ahotsak
errepikatzen du;
nik esaten dedana
jendeai zurendu
ta ahal badezu akatsak
pixka bat konpondu.

Doinua: Ene Lukas maitea

S.Lizaso:
Nere buruan badet
hainbat pentsamendu
eta honen ahotsak
errepikatzen du.
Ahal badezu jendeai
guztia zuzendu
eta aukera bada
akatsak konpondu.

Sorozaba (errezitatuz):
Oso gogorra ohi da
bertsoen karrera;
sarri ateratzen naiz
bide bazterrera.
Hau da hau presentzia
jendean aurrera!
Honekin juan leike
Buen Pastorrera.

Doinua: Zeruak eta lurrak

S.Lizaso:
Oso gogorra ohi da
bertsoen karrera,
sarritan irteten naiz
bide bazterrera.
Jendearen aurrean
hau da hau jarrera!
Biokin joan leike
Buen Pastorrera.