Bertsoak - Fitxa ikusi Atal honi buruz gehiago jakiteko
1997-12-12 Zumarraga Jaialdia [Bertsoa] / Sebastian Lizaso
| Bertsoa entzun |
1997-12-12 Zumarraga Jaialdia [Bertsoa] / Sebastian Lizaso
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Nekatzen danak bere ohea
gauero ohi du graziko,
eta hizketan hasiko balitz
hark zer adieraziko?
Galdetzen badit zernahi kontatzen
nik neuk ez diot utziko,
edo bestela nere esanik
inork ez du sinetsiko,
nere ametsak kontatzen behintzat
orain ez ahal da hasiko! (bis)
Finala ere hurbil da eta
gu urduri samar gaude,
gauak luzeak izaten dira,
hori ez da nobedade.
Nola igaro ditudan inork
jakin nahi baluke galde,
eta oheak erantzungo du
umil antxen ta xuabe:
hamaika ordu pasa dedala
lo askorik egin gabe! (bis)
Ohea beti izaten degu
leku goxo ta aparta,
ez ahal da izango kontu-kontari
hasteko bezain ausarta!
Andrea bronkan eta ohea
hizketan, hauxe zait falta!
Hitz tankerarik ez duena da
ohearen zalaparta,
hitzikan ez du egiten baina
muelle hotsa bai galanta. (bis)
Datu-base honetan eskainitako informazioari buruz jakiteko, kontsultatu lege oharra