1997-09-05 Zarautz Sariketa [Bertsoa] / Alfonso Jimenez, Ibon Karrera

Zuk biok estropadetan ibiltzen zarete, arraun talde berean, baina patroi lanetan. Batzuetan bat izaten da patroi eta besteetan bestea. Izan ere, zu, Alfontso, eskarmentu handiko patroia zara, baina baita pisu handikoa ere, ehun kilokoa edo. Zuk, Ibon, berriz, eskarmentu txikiagoa duzu, baina zurekin arinago ibiltzen omen da trainerua, berrogeita hamar kilo zara hortxe-hortxe. Biotako zein izango da etzi Kontxan patroi.

Deskribapena

Doinua

Kantatzera nijoa

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena: XDZ - Xenpelar Dokumentazio Zentroa
Bilduma / Funtsa / Proiektua: Bapatean Bilduma

1997-09-05 Zarautz Sariketa [Bertsoa] / Alfonso Jimenez, Ibon Karrera

Neurria: Zortziko txikia (hg) / Lau puntuko txikia (ip)
Kokapena: XDZ - Xenpelar Dokumentazio Zentroa

Jimenez:
Burugabea zera
gure kalterako,
ta hori ez da ona
taldearentzako.
Etzi Kontxan neroni
atera beharko,
kiloak aina buru
badaukadalako. (bis)

Karrera:
Buruak pisatzen du
ene lagun Joxe,
traineru kontuetan
esango det hauxe,
lan hontarako ni naiz
onena bai hoixe!
Letxe txarra're badet
Kortak bezelaxe. (bis)

Jimenez:
Letxe txarra daukazu,
ezin da ukatu,
eta gure taldea
karrasiz puskatu.
Zurekin ezin degu
bandera jokatu,
kilo gutxi ta halare
baietz hondoratu! (bis)

Karrera:
Lehen ere egina det
majina bat proba!
Esan dezunarekin
ez nago gustora.
Ia zauden horretan
ehun kilotik gora,
zurekin segurogo
urperatuko da! (bis)

Jimenez:
Tipo txolina zera
zu nere parean,
ta ezingo zera juan
traineru aurrean;
zig-zag egingo dezu
sarritan bidean,
ta ziaboga hartu
Aquarium parean. (bis)

Karrera:
Ziaboga egin det
nik guztiz beroa,
zure kiloekin da
hemen endredoa.
Zu lan hontan jartzeko
behar du eroa,
hau traineru bat degu
ez petroleroa! (bis)

Datu-base honetan eskainitako informazioari buruz jakiteko, kontsultatu lege oharra

BDB Bertsolaritzaren datu-basea

Bertsoak - Fitxa ikusi Atal honi buruz gehiago jakiteko