BDB Bertsolaritzaren datu-basea

Informazio orokorra

Kategoria

Bat-batekoa

Saioa

1996-07-27 Amasa-Villabona Jaialdia

Gai-jartzailea

Zeberio, Nikolas "Zeberio II"

Bertsolariak / Egileak

Peñagarikano, Anjel Mari

Sorozabal, Jokin

Lana

Binaka gaia-emanda

Jarritako gaia

Villabonako bi etxekoandre zarete. Herriko festak direla-eta Peñak sekulako banketea antolatu du etxean eta bere lagunak eta sendikoak gonbidatu ditu. Sorozabali ez zaizkio gustatzen festa klase horiek.

Deskribapena

Neurria / Estrofaren izena

Hamarreko txikia (hg) / Bost puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

1996-07-27 Amasa-Villabona Jaialdia [Bertsoa] / Anjel Mari Peñagarikano, Jokin Sorozabal

Neurria:  Hamarreko txikia (hg) / Bost puntuko txikia (ip) 
Kokapena:  XDZ - Xenpelar Dokumentazio Zentroa 

---

Sorozabal:
Festak etorri eta
komeria bela.
Bion artean bada
gaur alde itzela;
ikusten det lanean
hasita zaudela,
ni ez naiz arituko
tonta bat bezela,
jan nahi badute berak
presta dezatela. (bis)

Peñagarikano:
Gaur egun bezeukenau
hamaika holako!
Hik gogorikan ez den
banketetarako;
nik izaten dizkinat
gonbidatu franko,
danak jan da edanez
eta ase bapo;
hik ez den gonbidatzen
xuhurra haizelako. (bis)

Sorozabal:
Ni ere saiatzen naun
dedana ematen
baina nere kontura
inork ez din jaten.
Beti hor aritzen haiz
denei eragiten:
"bazkaltzeko ordua da
ta ohetik irten";
neska, utz'ien gazteei
lasai lo egiten. (bis)

Peñagarikano:
Santiagotako festak
dira atseginak
ta mesede egiten din
gonbita eginak;
eta bertso kantatzen
Peña jartzen dinat,
holakorikan ez du
egiten Joakinak,
eta alabak garbitu
gero ontzi zikinak. (bis)

Sorozabal:
Billabonan festetan
komerik ditugu,
denon gustoa egiten
zaila baitaukagu;
sukaldea ez da izaten
etxekoandreen kargu,
ta ontzi garbitzetik
salbatzen gera gu,
urtero Alustizan
bazkaltzen baitegu. (bis)

Peñagarikano:
Gonbidatzen dizkinat
inguruetatik,
Andoain, Villabona
ta Anoetatik.
Ta hau xuhurra degula
ondo asko badakit,
ta orain abisoa
hor Alustizatik:
hara ere ez da joaten
ez patzeagatik. (bis)

Sorozabal:
Gezurra esaten hemen
onena da bera.
Horra proposamen bat
hemendik aurrera:
bazkaria prestatzen
ari omen zera,
eskertu egiten da
holako aukera;
gu ere joango gera
aurten zure etxera. (bis)

Peñagarikano:
Txarra ez da izaten
zertxobait jatea,
nahi baden berdura ta
berdin tomatea.
Orain emango dinat
nik errematea:
lehenengo konbentzitu
senar zoketea,
neuk prestatuko dinat
hire banketea. (bis)