Bertsoak - Fitxa ikusi   Atal honi buruz gehiago jakiteko

1996-08-30 Donostia Jaialdia [Bertsoa] / Sebastian Lizaso

Bertsoa entzun  

Informazio orokorra

Kategoria
Bat-batekoa
Saioa
1996-08-30 Donostia Jaialdia
Gai-jartzailea
Madariaga, Joxepa
Bertsolariak / Egileak
Lizaso, Sebastian
Lana
Bakarka gaia-emanda
Jarritako gaia
Bertsoa eta antzerkia desberdindu eta bereizi behar direla esan izan da. Aspaldi honetan dexenteetan ikusi zaitugu antzezten eta bertsotan, Barojaren omenean azkenekoz. Zer iruditzen zaizu, Sebastian, bertso saioetan antzerkia sartzea?

Deskribapena

Doinua
Mutil koxkor bat itsuaurreko
Neurria / Estrofaren izena
Hamarreko handia (hg) / Bost puntuko handia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

1996-08-30 Donostia Jaialdia [Bertsoa] / Sebastian Lizaso

Neurria:  Hamarreko handia (hg) / Bost puntuko handia (ip) 
Kokapena:  XDZ - Xenpelar Dokumentazio Zentroa 

Bertsolaritzak antzerkiraino
luzatu bere pausoa,
baina emaitza guztientzako
ez da izaten gozoa.
Bertsolaria, jestorik gabe,
izan liteke sosoa;
ta antzerkiak mogimentuan
ia balio osoa:
antzerkiak antzerki behar du
eta bertsoak bertsoa. (bis)

Antzerkia ere polita noiznahi,
horretan dago kakoa;
uztartzen dira jestoak eta
norberak esandakoa.
Gauzak itxuraz eginez gero
beti degu balekoa;
hala ta guztiz, antzerkia da
aurrez prestatutakoa,
eta bertsoa bere funtsean
izan degu bat-batekoa;
hankasartzea ere hargatik
egina det holakoa.

Bertsoa eta antzerkiakin
eman nahi erabakia,
oso errez da engainatzea
begira dan gizakia;
eta okerrak nola konpondu
hartu det erabakia:
jendearentzat ez al da izan
adibide egokia,
biak nahastu egin leizkeela,
bertsoa ta antzerkia. (bis)

Datu-base honetan eskainitako informazioari buruz jakiteko, kontsultatu lege oharra