BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (13. 2001)

Saioa

2001-11-03 Lesaka Txapelketa

Gai-emailea

Taberna, Mikel

Bertsolariak / Egileak

Ugartetxea, Arkaitz

Lana

Bakarka gaia-emanda kartzelako-lana

Jarritako gaia

Kristorenak eta bi pasatuta, patera zahar batean iritsi zinen amesten zenuen lurraldera. Ailegatu eta segituan atxilotu zintuzten. Orain, hegazkin dotore batean sartu eta berriz ere zure lurraldera eramanen zaituzte.

Deskribapena

Doinua

Leiho ertzetik entzun dezaket

Neurria / Estrofaren izena

Neurri luzekoak

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2001-11-03 Lesaka Txapelketa [Bertsoa] / Arkaitz Ugartetxea

Neurria:  Neurri luzekoak 
Kokapena:  XDZ - Xenpelar Dokumentazio Zentroa 

---

Nere alboan izan nituen
neurekin hainbat bezero;
denok amets bat egin genuen
burrukatuz egunero.
Itsasoan zehar ez pentsa gero
pasatu dugunik bero!
Orain haibeste endredo
ez nuen asko espero! (bis)
Baina negarrez hasteko oso
berandu da honezkero;
nere ametsa zapuztu dute
hainbeste kostata gero! (bis)

Orain artean zorte haundirik
ez dut eduki bizitzan.
Maroko aldean jaio ta hantxe
urte luzez bizi nintzan,
eta saiatu beti egin naiz
tokatutako langintzan.
Gaur hartu naute sorpresan,
haserrez egia esan. (bis)
Patera baten denok sartuta
ilargiaren gerizan,
nere bizitza osoan ez dut
horrelako pozik izan. (bis)

Bizitza hontan pobrezia da
zoritxarrez gu denon gaitz
eta munduko leku batean
pobre han jaio zen Arkaitz.
Baina halere etxera bueltan
nijoa umore alaiz;
askatasunaren usaiz,
lehen ez bainaiz egona maiz. (bis)
Ta abisu bat emango diet
hemengo guztiei garaiz,
gaur eramango nauzue baina
berriro bueltatuko naiz. (bis)