BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (8. 1982)

Saioa

1982-12-19 Donostia Txapelketa 17:00

Gai-emailea

Iriondo, Joxe Mari

Bertsolariak / Egileak

Amuriza, Xabier

Enbeita, Jon

Lana

Binaka gaia-emanda

Jarritako gaia

Enbeita, lehengo batean lo egin ezinik hengoela, lotarako pastila bat eman zian hire emazteak, Amurizak, eta lau egun bota dituk segidan lotan.

Deskribapena

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

1982-12-19 Donostia Txapelketa 17:00 [Bertsoa] / Xabier Amuriza, Jon Enbeita

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

Enbeita
Ba nituen nerbio
ta mila arazu
pastila eman zidan
emazte zara zu
horregatik hasarre
maitea ez nauzu
nik ein beharko lanak
zeuk ein badituzu.
Amuriza
Lanen ardura hortan
alperrikan zabiltz
lan egiteko eman
zizun andreak hitz
lau egun lo egin da
baina ez da anitz
hobe arte osoan
esnatu ez balitz.
Enbeita
Lanaren menpe nuen
nekearen kate
eta andreak zabal
atsedenen ate
baina ez dakit dena
ez den izan kalte
zer gertatu ote da
lo nintzan bitarte.
Amuriza
Zu lo zinan bitarte
ni nengon birjina
zure loa kargutzen
ai zer atsegina.
Gaurko gizonek dute
lorikan ezina
senar alperrentzako
hau duk medezina.
Enbeita
Honek ba ekian ni
lo zorroz nintzana
zer izan ote da honek
egin duen lana
jakin horretaz bat-e
ados ez naizana
hurrengoan hartuko
degu biok bana.
Amuriza
Zuk pastila baduzu
niretzat ezagun
bana hartu gabe ere
sarri gara jardun
sufrimentuaz edo
loa behar zendun
esnatu zaitez eta
elkar maita zagun.