BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (9. 1986)

Saioa

1986-03-23 Donostia Txapelketa 17:00

Gai-emailea

Azkune, Laxaro

Bertsolariak / Egileak

Amuriza, Xabier

Enbeita, Jon

Lana

Binaka gaia-emanda puntutan

Jarritako gaia

Zuek biok mutil zaharrak zarete eta pisu berean bizi. Gaur lore sorta bat heldu da zuenera honako txartel honekin: «Zuk dakizunak, bihotz-bihotzez».

Deskribapena

Doinua

Lurralde dena dabil I

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

1986-03-23 Donostia Txapelketa 17:00 [Bertsoa] / Xabier Amuriza, Jon Enbeita

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

Enbeita
Lore txorta polit bat
heldu da etxera,
Amuriza
zuretzako ote dan
noa pentsatzera,
Enbeita
maitemindurik, lagun,
bizi ote zera?
Amuriza
Biok bizi gerade
alkarren antzera.

Amuriza
Lore txorta polita
iritsi zaiguna,
Enbeita
gaurkoz kendu du honek
etxeko iluna,
Amuriza
mutilzahar batentzako
zer gauza txukuna,
Enbeita
dotorea ote da
maitatzen gaituna?

Enbeita
Irrikatzen jarri nau
gaur honek benetan,
Amuriza
neuretzako da eta
ez nago penetan,
Enbeita
zuretzat jaian eta
nik astegunetan
Amuriza
aukera izango degu
geu nahi degunetan.

Amuriza
Lore txorta hori zan
guretzat egina,
Enbeita
bera etorri balitz
ai zer atsegina!
Amuriza
Nahiago nuke hemendik
juana bazina,
Enbeita
nik ere ezagutzeko
zuk legez dut grina.

Enbeita
lkusiko al dogu
noizbaiten onduan!
Amuriza
Maite gaituenen bat
badago munduan,
Enbeita
zeinena dugun jakin-
go dugu orduan,
Amuriza
esker haundia emango
diot infernuan.

Amuriza
Lora txorta honekin
aldrebestu gara,
Enbeita
pentsamentuz badugu
hamaika algara,
Amuriza
kasikan bota ezak
txerrien askara,
Enbeita
hobe beraren bila
bagoaz plazara.