Bertsoak - Fitxa ikusi Atal honi buruz gehiago jakiteko
1989-12-17 Donostia Txapelketa 17:00 [Bertsoa] / Andoni Egaña
| Bertsoa entzun |
1989-12-17 Donostia Txapelketa 17:00 [Bertsoa] / Andoni Egaña
Neurria:
Neurri luzekoak
Kokapena:
XDZ - Xenpelar Dokumentazio Zentroa
Leiho ertzetik entzun dezaket
itsasoaren indarra,
olatu pila, nola lehertzen dan
braust eta braust barra-barra,
pentsatze hutsak begietara
ekartzen didan negarra,
momentu triste xamarra,
eskegi nuen txamarra, (bis)
ni bezelako gizon batentzat
ez ote da zoritxarra,
itsasoa hain hurbil izan da
ohean egon beharra. (bis)
Sentimentuak loratzen zaizkit
itsas ontzien irteran,
arraiz beteta datozenean
bapore hoien sarreran,
ez dakit ziur nere barruko
grina normala ote dan,
ez naiz aurkitzen primeran,
bertan nahiago aukeran, (bis)
hementxe nago itsas zabala
begiz ikusteko eran,
zenbat gorroto nuen lehen eta
orain zenbat maite dedan! (bis)
Itsas barrura murgildu nitzen
orduan nitzen mutiko,
lanaren martxa sekula santan
ez izan arren graziko,
itsasoaren kontra hizketan
ez nitzateke hasiko,
larogei urte ta piko,
ta nahiz ez nagoen tinko, (bis)
itsaso hori be(g)iratu soilez
ez det inola etsiko,
nere eskutan baldin badago
ni ez naiz ohean hilko. (bis)
Datu-base honetan eskainitako informazioari buruz jakiteko, kontsultatu lege oharra