BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (7. 1980)

Saioa

1980-01-06 Donostia Txapelketa 17:00

Gai-emailea

Iriondo, Joxe Mari

Bertsolariak / Egileak

Azpillaga, Jon

Sein, Manuel "Xanpun"

Lana

Binaka gaia-emanda

Jarritako gaia

Biok bata bestearentzako errege zerate gaurkoz; erregeen eguna. Egizkiozute elkarri erregaluak.

Deskribapena

Doinua

Ai gure antzinako

Neurria / Estrofaren izena

Hamarreko txikia (hg) / Bost puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

1980-01-06 Donostia Txapelketa 17:00 [Bertsoa] / Jon Azpillaga, Manuel Sein "Xanpun"

Neurria:  Hamarreko txikia (hg) / Bost puntuko txikia (ip) 
Kokapena:  XDZ - Xenpelar Dokumentazio Zentroa 

---

Xanpun:
Errege batentzako
gaur badaukat griña,
uste gabe jina,
gradu hori baita
kezkatzeko diña;
ipar aldetikan
hunara naiz jina,
eskaintzeko badut,
zuk ere berdiña:
botoilla bat pollita
ta han koñak piña.

Azpillaga:
Au ikusita nere
begian malkua,
ona da gaurkua,
lagun bat etorri da
berdin gabekua;
errespetatze'itugu
lege ta Jainkua,
nola Bera daukagun
beti-betikua;
biotza ematen dizut,
ez al da naikua?

Xanpun:
Batek eskaintzen dio,
bertzeak eskea,
zerbeit ditakea,
bazter guzitan dugu
sua eta kea;
elgar konpontzeko
gauza bat nekea,
guk billatzen dugu-
na ez da merkea,
berritz eskaintzen dautzut
ordainez bakea.

Azpillaga:
Pake-premian dago
benetan mundua,
pakea galdu'a;
nola iritxi lezaken
guretzat sendua?
Lapurdi'n bizi zera,
etzaude galdua,
baiña gaur Donostia'n
libre azaldua,
erdiko muga dago
zuretzat kendua.