Bertsoak - Fitxa ikusi Atal honi buruz gehiago jakiteko
1980-01-06 Donostia Txapelketa 11:30 [Bertsoa] / Jon Enbeita, Manuel Sein "Xanpun"
| Bertsoa entzun |
1980-01-06 Donostia Txapelketa 11:30 [Bertsoa] / Jon Enbeita, Manuel Sein "Xanpun"
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
Xanpun:
Gazte maite hau gaur etorri zait
neri lan-galdez etxe(r)a,
kaltekorra da zinez neretzat
gazte on baten galtzea;
bainan hala ere ausartatzen naiz
hau berari eskatzea:
egi-egitan lan-gogo onez
hunat etorri al zea?
Enbeita:
Bizi bearrak ala jarrita
emen nator zuregana,
konprenitzen det gaur neregatik
dadukazun duda dana;
zintzo nator ta eman eidazu,
jauna, arren neri lana,
jornala barik bakarrik nai det
nere etxearen jana.
Xanpun:
Nagusi batek kezkak baditu
gaia azaltzen denean,
egun ez nuke naski nai egon
langile hoien menean;
emanen dautzut ofizioko
lagun bat aldamenean,
bertzeik ez bada an bai bederen
ikas dezazun lanean.
Enbeita:
Len ere zutaz nik gauza onak
aditu nituen baiña,
enuen uste aurkitutzea
orren zintzo ta apaiña;
egingo dizut nik nere lana
neri eskatua aiña
ta zuk neretzat bakarrik eman
eiten detanan ordaiña.
Xanpun:
Beraz, gaztea, sartu zaite gaur
nagusi honen gerizan,
ta, dakizuna, beharko duzu
naski lanean arizan;
ni portatuko naiz ta zuzen da
nagusi on baten gisan,
zure partetik, gazte maitea,
zu araberako izan.
Enbeita:
Dudarik bada nik gura neuke
ateratzea bertatik,
enaiz etorri ni bizitzeko
ugazabaren lepotik;
kontzentzi bat det ta ez dit ixten
jaten besteren ogitik,
lana emaidazu, bizi nai det ta
nik neronen izerditik.
Datu-base honetan eskainitako informazioari buruz jakiteko, kontsultatu lege oharra