BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Gipuzkoako Bertsolari Txapelketa (6. 1995)

Saioa

1995-10-20 Usurbil Txapelketa

Gai-emailea

Usarralde, Inaxio

Bertsolariak / Egileak

Murua, Iñaki

Lana

Bakarka gaia-emanda kartzelako-lana

Jarritako gaia

Intxaurrondo kuarteleko ordenadorea zara, zer dago zure memorian? Hiru bertso nahi duzun neurri eta doinuan.

Deskribapena

Doinua

Mutil koxkor bat itsuaurreko

Neurria / Estrofaren izena

Hamarreko handia (hg) / Bost puntuko handia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

1995-10-20 Usurbil Txapelketa [Bertsoa] / Iñaki Murua

Neurria:  Hamarreko handia (hg) / Bost puntuko handia (ip) 
Kokapena:  XDZ - Xenpelar Dokumentazio Zentroa 

---

Nere barruan zer ote dagon
ari zatzaizkit galdezka,
hainbeste mezu sekretu dago
ez litezkenak ordezka.
GALen kontuak danak dauzkat nik
hoiek sortzen duten kezka!
Galindoi buruz ere berriak
asko dauzkat nik gainezka,
ondo pentsatzen jarri ezkero
simaurra besterik ez da.(bis)

Azaltzen dira izen abizen
euskaldun eundoko pilak,
azaltzen dira kartzelatzeko
zai dauden neska mutilak,
azaltzen dira buru ta izar
ustelak bezain abilak,
azaltzen dira ze sarraskiak
ein ditun guardia zibilak,
Joxi ta Joxean nola izan ziran
torturatu eta hilak. (bis)

Barruan dauzkat Mikel Zabaltzak
hil aurretikan utziak,
barruan dauzkat San Cristobal ta
Vera jaunaren haziak,
barruan dauzkat mundu hontatik
joandakoen auziak,
bai eta ere ondorenean
letozken irabaziak
baina ez ditu inoiz jakingo
espainiko justiziak. (bis)