Bertsoak - Fitxa ikusi Atal honi buruz gehiago jakiteko
1995-12-17 Donostia Txapelketa [Bertsoa] / Iñaki Murua
1995-12-17 Donostia Txapelketa [Bertsoa] / Iñaki Murua
Neurria:
Neurri luzekoak
Kokapena:
XDZ - Xenpelar Dokumentazio Zentroa
Platilo barnean tira,
irten nintzen urrutira,
horixe nuen desira;
bukatu ez balitz sikira!
Pozik egon naiz izarrei eta
planeta denei begira,
baina irtenak zor izaten du
aizken orduz bere jira.
Berriro ere pozik nengona
banator Euskalerrira.
Zer ote dago kale hoietan,
nere bihotzaz kupira.
Alde egiten zeuden gatazkak
ia konpondu ote dira?(bis)
Nere joatea berez,
ez nuen izan hain trebes,
herria ez zen giza legez;
ta indarkeria juez.
Dirua zegon nagusi eta
hitza menpean indarrez.
Parrearentzat ez zen lekurik
eta gehienak negarrez.
Kalte gehiago zetorkeela
iragar ziteken aurrez.
Zer gertatzen dan adieraztea
hemendik dut oso errez:
kutxara sartu nahiean asko
zopa egiteko inor ez! (bis)
Alde egiteko plana,
aspalditxotik izana,
platilo bat nuen arma;
ta orain bueltan narama.
Urtebetean ikusi gabe
izan ditudanengana.
Emaztea zai, haurrak ere bai
berdin aita eta ama,
baina herria erdibiturik
eraman ezinik zama.
Nik agintzen det jarraituko det
egiten lehen nuen lana,
Euskalerria konpontzea da
neri're dagokidana.(bis)
Datu-base honetan eskainitako informazioari buruz jakiteko, kontsultatu lege oharra