Bertsoak - Fitxa ikusi Atal honi buruz gehiago jakiteko
2003-11-02 Zumaia Txapelketa [Bertsoa] / Arkaitz Goikoetxea, Bixente Gorostidi
2003-11-02 Zumaia Txapelketa [Bertsoa] / Arkaitz Goikoetxea, Bixente Gorostidi
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
B. Gorostidi:
Zazpi t´erditan jeikitzen naiz ta
lantegirako prestatu
aurrena haurrei gosaria eman
gosaria neuk dastatu
iluntzerarte etxera ezin naiz
ni haurrik gabe bueltatu
ordu erdi bat ere ezin det
neronentzako libratu.
A. Goikoetxea:
Nere aukera nik egin nuen
ustez modu zuzenean
baina damua ailegatu zait
urteak joan direnean
nerearekin gustora ez ta
begia dut besteenean
lotura gabe bizi nahi horrek
lotu bainau azkenean.
B. Gorostidi:
Emazte eta seme-alabak
begiratu ezkero irriz
uneko pozak nere begiak
nahiz ta jartzen ditun diz-diz
bakar-bakarrik bizi zerala
diozu behin eta berriz
hamaika aldiz egon izan naiz
bakardadean inbidiz.
A. Goikoetxea:
Bakardadea desio duzu
neri sortzen dit ikara
zure sendia, zure umeak
ez zait iruditzen traba
eta probatzen hasi ezkero
zu´re ohartuko zara:
bakardadea lagun txarra da
luzaroko baldin bada.
B. Gorostidi:
Bakardadea nahiz eta izan
oso adiskide pobrea
itolarria maiz jasatea
ez da izaten hobea
astebetean hartu emaztea
ta hartu bizki parea
nere egoera probatu zazu
nik probatzeko zurea.
A. Goikoetxea:
Andrea duzu, seme-alabak
ez zazu egin negarrik
nere egoera aguantatzeko
ez zeneukake indarrik
zure tratua onartuko dut
ez dago esan beharrik
baina hitzarmena ez baldin bada
aste bateko bakarrik.
Datu-base honetan eskainitako informazioari buruz jakiteko, kontsultatu lege oharra