Aldizkako Ekitaldiak - Fitxa ikusi Atal honi buruz gehiago jakiteko
Gipuzkoako Bertsolari Txapelketa (7. 2003)
Oinarrizko informazioa
- Ekitaldi mota
- Txapelketa
- Lekua
- Gipuzkoa
- Hasiera data
- 2003-09-26
- Bukaera data
- 2003-12-14
- Hedadura-mota
- Herrialde mailakoa
Parte hartzaileak
- Antolatzaileak
Argiñarena, Joxe Fermin Elustondo, Nerea Irazustabarrena, Felix Jauregi, Saroi Maia, Jon Mendiluze, Aitor - Arduradunak
Mendiluze, Aitor - Talde antolatzailea
Agirresarobe, Iñaki "Tola" Argiñarena, Joxe Fermin Irazustabarrena, Felix Jauregi, Saroi Maia, Jon Mendiluze, Aitor Murua, Jexux Telleria, Millan - Parte-hartzaileak
- Aurkezleak
Aizpuru, Egoitz Azkune, Laxaro Elizasu, Unai Goikoetxea, Irati Jauregi, Saroi Tolosa, Gorka Zaldua, Ion - Gai-jartzaile taldea
Agirretxe, Manuel Aizpuru, Egoitz Azkune, Laxaro Elizasu, Unai Goikoetxea, Irati Jauregi, Saroi Oteiza, Mariasun San Sebastian, Xabino Tolosa, Gorka Zaldua, Ion - Epai-mahaia
- Epai-mahaiko idazkaria
Altuna Berridi, Joxemari Goñi, Nerea - Txapelduna
Lujanbio, Maialen
Deskribapena
- Weberako aurkezpena
- Gipuzkoako Bertsolari Txapelketa 2003Plazaz plazako jarduna bezalaxe, txapelketa ere bertsogintzan eta bertsolaritzan aurrera egiteko bidea da, planteamendu eta formulazio bat baino gehiago dituena. Gipuzkoan bertan, filosofia eta helburu ezberdineko txapelketak egin dira ia azken 15 urteotan, eta bakoitzak bere ekarpenak egin dizkio garaian garaiko bertsolaritzari. 1991n eta 1995ean buruz buru buruko txapelketak izan ziren, eta 1999an Herri Arteko txapelketa izan zen taldeka. 2003ko udazkenean, buruz buruko txapelketa egin zen berriro eta helburu nagusia Gipuzkoako bertsolaritzari arnasa eta gorputza ematea izan zen. Txapelketa honek arnasa eman nahi izan zion batez ere bertso eskoletatik eta ikastetxeetatik etengabean datorren bertsolaritzaren mugimendu berriari, eta lehendik dagoenari bideak jarri nahi izan zizkion gorpuzten eta zabaltzen segitzeko. Aurrerantzean, Gipuzkoako Txapelketa lau urtez behin egiteaeta Bertsolari Txapelketa Nagusian sartzeko ere balio izatea erabaki zen.
Erakargarria eta zabala
2003ko Gipuzkoako Bertsolari Txapelketak parte hartze benetan zabala eta erakargarria izan zuen: denera 71 bertsolari. Txapelketa honek bi fase nagusi izan zituen. Lehenengo fasea eskualdeka jokatu zen, Herriarteko txapelketaren filosofiari eutsita. Fase horretan, bertso eskolek eta beren inguruak parte hartze zuzena izan zuten saioen antolaketan, eta planteamendu horren helburu nagusia bertsolaritzaren oinarria lantzea izan zen. Saio bakoitzean 6 bertsolarik kantatuko zuten. Eskualdeko fasearen ondoren, final laurdenak eta finalerdiak jokatu ziren urrian eta azaroan, eta Finala Irunen izan zen: Artalekun, abenduaren 14an, arratsaldez. Finala Irunen izateak ere bere garrantzia izan zuen. Gipuzkoako eskualde guztiek ez dute bertsolaritza tradizio bera eta, Elkartearen ustez, txapelketako ekitaldi nagusia Bidasoa ertzean izateak hauspo lana egin zezakeen eskualde horretan guztian bertsolaritza indartzeko hainbat eragile egiten ari den esfortzua eta lana bultzatzen laguntzeko. Horixe zen, hain zuzen ere, arrazoi nagusia ekitaldi hori 800 urte bete berri zituen hirian egiteko.
Txapelketa garaian eztabaida foroa eta informazioa interneten
Elkarteak Gipuzkoako Txapelketari buruzko informazio guztiak interneten jarri zituen orain bisitatzen ari zaren helbidean. Nobedade nagusia ordea, txapelketari buruzko foro irekia izan zen. Bertsozaleek, urte hartan lehen aldiz, txapelketa garaian beren iritziak eman, eztabaidak planteatu eta abar egiteko aukera izan zuten Elkarteak interneten jarri zuen eztabaida foroan. Eztabaidaz gain, elkarrizketak, saioen kronika eta puntuazioak, bertsolari, gai-jartzaile eta epaileen datuak, Gipuzkoako bertsolaritzari buruzko zenbait datu eta abar ere izan zen web-gunean.
Faseak
- Gipuzkoako Bertsolari Txapelketa (7. 2003) Lehen fasea
- Gipuzkoako Bertsolari Txapelketa (7. 2003) Final-laurdenak
- Gipuzkoako Bertsolari Txapelketa (7. 2003) Finalerdiak
- Gipuzkoako Bertsolari Txapelketa (7. 2003) Finala
- Saioak
- Sailkapena
- 1. Maialen Lujanbio (760.5)
2. Jon Martin (726)
3. Aitor Mendiluze (514)
4. Jon Maia (505.5)
5. Iñaki Gurrutxaga (505)
6. Jexux Mari Irazu (502)
7. Ekaitz Goikoetxea (500)
8. Amaia Agirre (478) - Txapelduna
Lujanbio, Maialen