Bertsoak - Fitxa ikusi Atal honi buruz gehiago jakiteko
2003-11-16 Eskoriatza Txapelketa [Bertsoa] / Bixente Gorostidi, Aitor Mendiluze
2003-11-16 Eskoriatza Txapelketa [Bertsoa] / Bixente Gorostidi, Aitor Mendiluze
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
A. Mendiluze:
Joño, kaixo laguna
nolatan zu hemen?
B. Gorostidi:
Pobre jaio ginela
ez al da nabarmen?
A. Mendiluze:
Baina lehen patrika
epela genuen
B. Gorostidi:
pobrearen saskian
gaude gu ondoen.
B. Gorostidi:
Hari emango diogu
gutxienez poza
A. Mendiluze:
bai, baina ezingo du
kajatxo hau osa.
B. Gorostidi:
Ea honekin behintzat
dezakeen gaur goza
A. Mendiluze:
gure numeroa ez da
oso aproposa.
A. Mendiluze:
Hobe hamarrekoak
izango bagina!
B. Gorostidi:
Hamarrekoa're da
gurekin egina
A. Mendiluze:
gizon bakarrentzako
kopuru ziztrina
B. Gorostidi:
baina gustora iten du
gurekin txintxina.
B. Gorostidi:
Gaurkoz baduelako
bazkari erdia
A. Mendiluze:
erdi gose egongo
dala alegia
B. Gorostidi:
bapo alaitu diogu
ia aurpegia
A. Mendiluze:
gaur poza eta bihar
berriz miseria.
A. Mendiluze:
Eta zergatik gaude
gu biok bakarrik?
B. Gorostidi:
Igual ez daukalako
gehioren beharrik
A. Mendiluze:
inork poltsan ez al du
txanponik alperrik?
B. Gorostidi:
Honek hartuko luke
eskertu samarrik.
B. Gorostidi:
Gizarajoak hemen
darama eguna
A. Mendiluze:
guk ere bertan pasa
beharko deguna
B. Gorostidi:
gurekin pasako du
gaurkoa txukuna
A. Mendiluze:
bale, baina lagunak
ekarri hurruna.
Datu-base honetan eskainitako informazioari buruz jakiteko, kontsultatu lege oharra