Bertsoak - Fitxa ikusi Atal honi buruz gehiago jakiteko
2007-10-06 Ataun Txapelketa [Bertsoa] / Maialen Velarde
2007-10-06 Ataun Txapelketa [Bertsoa] / Maialen Velarde
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Gaurko lana ere bukatu ostean
jada etxera begira:
gaur hogeita hiru preso hartuaz
zenbaki polita tira;
aurrekaldetik poltsa bat jarri
ta atzetik labatiba;
zein gozagarri egiten zaidan
haien begien dizdira!
Gaurkoan behintzat batzuek nitaz
gogoratuko baitira. (bis)
Zenbat gaizkile ibiltzen ei da
gure kale kantoietan
beren aurpegi triste bakanak
islada gure plaketan;
nik desio dut usteldu bitez
ziegako lau paretetan!
Gaur bi malkotan atera orduko
preso hoien masailetan
pentsatua dut "ai ene lagun
odolkiak ordainetan". (bis)
Jadanik ziegak utzi ditugu
osatu eta beteta
eta etxera hurbildua naiz
mantenduz nire oreka;
bihar'e lana asko izango da
baina izango dut beta.
Giltza jiratu ta gabon esan
nire maiteai fereka
nire amorruak preso hoiekin
denak uzten ditut eta. (bis)
Datu-base honetan eskainitako informazioari buruz jakiteko, kontsultatu lege oharra