BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Gipuzkoako Bertsolari Txapelketa (8. 2007)

Saioa

2007-11-04 Tolosa Txapelketa

Gai-emailea

Jauregi, Saroi

Bertsolariak / Egileak

Esoain, Ibai

Gaztelumendi, Beñat

Lana

Binaka gaia-emanda

Jarritako gaia

Telebista ikusten ari zaretela, hogei urtez seme-alaben berri izan ez duen ama bat agertu da. Eman dituen datuen arabera zuen ama izan daiteke. Zuk, Ibai, telebistara deitu nahi duzu. Zuk, Beñat, ez.

Deskribapena

Doinua

Lagundurikan danoi II

Neurria / Estrofaren izena

Hamarreko txikia (hg) / Bost puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2007-11-04 Tolosa Txapelketa [Bertsoa] / Ibai Esoain, Beñat Gaztelumendi

Neurria:  Hamarreko txikia (hg) / Bost puntuko txikia (ip) 
Kokapena:  XDZ - Xenpelar Dokumentazio Zentroa 

---

I. Esoain: Zer irizten diozu?
har dezagun alkar;
jarri den numeroa
paper txurian har;
guk bera behar degu
berak gaitu behar;
ekarri behar degu
ta gainera azkar;
begira guk bezela
egiten du negar.

B. Gaztelumendi: Baino gu ote gera
malko hoien kausa
hogei urtez ez bada
etorri honuntza?
Sakatu telefono
botoien geruza;
zer bihurtuko geran
horixe da gauza
familia bat edo
ikuskizun hutsa.

I. Esoain: Ez da ikuskizuna
bai zera, bai zera
poza ekarri behar
baitigu etxera;
mesedez hurbil zaitez
armaio aldera
eta argazki zaharren
albuna atera;
ez al dauka hor daukan
arropa berbera?

B. Gaztelumendi: Bai jantzi da orduko
arropa berberaz
ta estututa dago
malko eta arnas.
E ginen pobre baino
ez ginen aberats.
Nk galdera bat daukat
zuk erantzun beraz:
zenbat euroren truke
oroitu da gutaz?

I. Esoain: Baina ez zazu gero
ama hola hartu
ta berekin hizketan
egiten ausartu;
ez zaite Beñat sofan
etzanda geratu;
orain hogei bat urte
gintun munduratu
ta dirurik ez zigun
batere eskatu.

B. Gaztelumendi: Behin baten abiatu
zen estankoraino
ta bere berri ez degu
eduki gaurdaino.
Zuk hara joateko
hainbeste enpeño
ta ni berriz bakarrik
hobe nago joño
maitatuko ez nauen
amarekin baino.