BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Gipuzkoako Bertsolari Txapelketa (8. 2007)

Saioa

2007-11-04 Tolosa Txapelketa

Gai-emailea

Jauregi, Saroi

Bertsolariak / Egileak

Gabilondo, Nahikari

Maia, Jon

Lana

Binaka gaia-emanda

Jarritako gaia

Biok duzue seme bana espetxean, eta errepideko gasolindegi batean egin duzue topo. Jon, zu, semea bisitatzera zoaz. Zu, Nahikari, bisitatzetik bueltan zatoz.

Deskribapena

Neurria / Estrofaren izena

Hamarreko txikia (hg) / Bost puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2007-11-04 Tolosa Txapelketa [Bertsoa] / Nahikari Gabilondo, Jon Maia

Neurria:  Hamarreko txikia (hg) / Bost puntuko txikia (ip) 
Kokapena:  XDZ - Xenpelar Dokumentazio Zentroa 

---

J. Maia: Biok elkartu gera
atzerri honetan
alkarrentzako hitzak
datoz mingainetan;
ilusio dizdirak
dauzkat begietan
ta zu adiskidea
orain zatoz bueltan;
azkar igerri dizut
zure malkoetan.

N. Gabilondo: Zenbat desilusio
eta zenbat neke!
Hobe denok kanpoan
pozik bageundeke;
gure itxaropena
ez daukagu merke
ta hemen gasolina
degu erraz bete;
hobe bihotza berdin
bete baliteke!

J. Maia: Baina hain da haundia
bihotzen tamaina
betetze hutsa ere
litzake hazaina.
Badezu poz txiki bat
zergatik engaina?
Indarra ematera
joaten gera baina
jaso ere egiten
dugu eman aina.

N. Gabilondo: Ba neri aspaldi ez zait
indarrik ugaldu
irri denak aspaldi
bainituen saldu;
geroztik esperantza
ez dabilkit salbu
ta zuk haren aurrean
behar dezu azaldu;
arren zure irririk
ez zazula galdu!

J. Maia: Ez nagoela pozik
esaten det ozen
baina zutik daramat
izan eta izen.
Zenbat urtetan berdin
bidean ibiltzen...
Orain joan zaitez kontuz
kontuz eta xuxen
hurrengoan berriro
elkartu gaitezen.

N. Gabilondo: Nahiz ta gustora gauden
hizketan jo ta su
zure aurrean bide
luzea daukazu.
Baina ez naiz joango
orain pausuz pausu;
negar egin dezagun
elkarrekin aizu
itzultzen zeranean
zain izango nauzu.