Bertsoak - Fitxa ikusi   Atal honi buruz gehiago jakiteko

2007-10-06 Getaria (G) Txapelketa [Bertsoa] / Joxe Joakin Aizpurua, Aitor Urbieta Aizpurua

Informazio orokorra

Kategoria
Bat-batekoa
Aldizkako Ekitaldia (Saioarena)
Gipuzkoako Bertsolari Txapelketa (8. 2007)
Saioa
2007-10-06 Getaria (G) Txapelketa
Gai-emailea
Aizpuru, Egoitz
Bertsolariak / Egileak
Aizpurua, Joxe Joakin
Urbieta Aizpurua, Aitor
Lana
Binaka gaia-emanda
Jarritako gaia
Musika talde bateko bi kide zarete, eta diskoa atera berri duzue. Aitorrek promozioa egin behar dela dio. Zuk, Joxe Joakin, ez duzu beharrik ikusten.

Deskribapena

Doinua
Hirurogeita beatzi urte
Neurria / Estrofaren izena
Zortziko handia (hg) / Lau puntuko handia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Txapelketetako Bilduma

2007-10-06 Getaria (G) Txapelketa [Bertsoa] / Joxe Joakin Aizpurua, Aitor Urbieta Aizpurua

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 


J.J. Aizpurua: Promozioa behar dala ta
dabil jenderik gehiena
baina neretzat hori ez da guk
behar gendukeen sistema;
zuk hobe dezu jarraitutzea
nere buruko eskema:
promoziorik onena degu
denok eskeintzea dena.

A. Urbieta: Nik dedan dena eskaini baina
asko nahi nuke zabaldu
ta famatua izateko're
esperantza ez det galdu;
nik badet baina zuk horrelako
asko ez dezu azaldu;
holako gabe anaiari're
ezingo diogu saldu.

J.J. Aizpurua: Oraintxe egin zera zu nahiko
arrazoi politan jabe
hala ta guztiz hobe genduke
guk ibiltzea suabe;
ez dago zertan ibilirikan
promozioen mirabe;
nere lagunek baietz erosi
promoziorikan gabe.

A. Urbieta: Propaganda egin edo ez egin
hementxe gaude auzian
honek guztia ukatu nahi dit
nahiko era itsusian;
hola zabaldu eingo gerala
dago ezin ikusian
nik famatua izan nahi nuke
ia Europa guzian.

J.J. Aizpurua: Promoziorik ez degu behar
Zegaman ta Errezilen
horregatikan hobe ibiltzea
ahal danik eta isilen;
nik isiltzea eskatzen dizut
oraingo hontan lehenbailehen
promoziorik gabe bertsotan
begira ze ondo nabilen.

A. Urbieta: Halako gauzik ez egiteko
jartzen du mila aitzaki;
nik Madril edo Paris, Napoles
begiratzen det urruti;
honek lagunak aipatzen ditu
inguru berean beti
errezildarrak promozioa
zer dan'e ba ote daki?

Datu-base honetan eskainitako informazioari buruz jakiteko, kontsultatu lege oharra