Bertsoak - Fitxa ikusi Atal honi buruz gehiago jakiteko
2007-12-16 Donostia Txapelketa [Bertsoa] / Aitor Mendiluze
2007-12-16 Donostia Txapelketa [Bertsoa] / Aitor Mendiluze
Neurria:
Hamabikoa, handiaren moldekoa, 7 puntuz (hg) / Zazpi puntukoa, handiaren moldekoa (ip)
Kokapena:
XDZ - Xenpelar Dokumentazio Zentroa
Jaiotza edo lehen pausoa
edota lehenengo hitza
haztea bada gure bidea
bide onean zabiltza.
Seme sehaska jaso det eta
irriparrez nahi det mintza;
ze sentsazio bortitza!
Ukitu dit bihotz mintza;
nahiago nuke une oro hau
berriz pasako balitza!
Baina zurekin konturatzen naiz:
aurrera doa bizitza. (bis)
Desmontatu det bildu det eta
berriro ere tokira;
igual ikusi egingo dezu
nere begien diztira;
sehaska zure sehaskatxoa
egina zeure neurrira;
betiko biltzen ari da
ta betiko erretira.
Hazten zoaz ta haztea noski
zure aitaren desira
baina sehaska hortako uneak
gogoan gelditzen dira. (bis)
Ia sehaska jasota dago
horixe zen nuen dema;
txukun jaso det zure sehaska
paperean bildu dena.
Ohera zoaz lotara Arkaitz
haztearen ondorena
ta ez al da nabarmena?
Zein pozik dudan barrena!
Hazten ikusi ta irripar bat
da nigana datorrena
eta badakit izango dela
beste askoren aurrena. (bis)
Datu-base honetan eskainitako informazioari buruz jakiteko, kontsultatu lege oharra