Bertsoak - Fitxa ikusi Atal honi buruz gehiago jakiteko
2007-09-30 Arrasate Txapelketa [Bertsoa] / Ainhoa Agirreazaldegi, Iker Goñi
2007-09-30 Arrasate Txapelketa [Bertsoa] / Ainhoa Agirreazaldegi, Iker Goñi
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
A. Agirreazaldegi: Orain arte nengoen
ezkontzeko gogoz;
zerrenda ikusita
ez naiz ilusioz
izen hauek ikusiz
ez daukat hainbat poz;
ezkon bidaira ere
gurekin al datoz? (bis)
I. Goñi: Oraindik daukat lehengo
neskatxen itzala;
denek utzi ninduten
aparte bezala;
bihotz hautsi nahiean
neri nola-hala
ta erakutsi nahi nien
osorik dudala. (bis)
A. Agirreazaldegi: Beraz barrua duzu
erronka desiran
baina ez itzazu har
denak jira-biran;
nik badakit zuretzat
nola lagun diran
baina agurtu itzazu
zure despedidan. (bis)
I. Goñi: Gonbidatu nahi ditut
gauza nabaria
eta horretarako
ez nabil nagia;
helburu bakarra det
ta hura handia:
ikusi nahi det euren
inbidi aurpegia. (bis)
A. Agirreazaldegi: Uste dut segurantza
duzula hutsean;
neska hoien aipamena
uztazu ertzean;
bestela ikusten dut
gu bion etxean
ezkontzako argazkia
bost neskak atzean. (bis)
I. Goñi: Orduantxe neukake
hainbat kategori;
horrek sortuko luke
hamaika histori!
Argazkian atzean
ta ni gori-gori...
atzean gelditu diren
seinale da hori. (bis)
Datu-base honetan eskainitako informazioari buruz jakiteko, kontsultatu lege oharra