BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Gipuzkoako Bertsolari Txapelketa (8. 2007)

Saioa

2007-12-16 Donostia Txapelketa

Gai-emailea

Jauregi, Saroi

Bertsolariak / Egileak

Martin, Jon

Mendiluze, Aitor

Lana

Binaka gaia-emanda

Jarritako gaia

Fabrika berean egiten duzue lana biok. Zu, Aitor, mantenimenduan aritzen zara, eta asteburuetan telefonoa martxan izaten duzu, lantokian zer gerta ere. Jonek asteburuan fabrikan lan egiten duen bakoitzean izaten da matxuraren bat lantegian.

Deskribapena

Doinua

Dama gazte xarmant bat

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2007-12-16 Donostia Txapelketa [Bertsoa] / Jon Martin, Aitor Mendiluze

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

A. Mendiluze: Asteburutakoa
a ze desgastea!
Aldiro lantokira
joateko eskea;
hausten dezu gauza bat
ez bada bestea...
Merkego da ordaindu
ta etxean uztea! (bis)

J. Martin: Bisita egiteko
sarri du beharra
eta ondo pentsatuta
ez da horren txarra;
eta sentitu ez nadin
mozolo samarra
asteburuetan lan
iten dun bakarra. (bis)

A. Mendiluze: Nahita egiten dezu
horren arabera;
"Zergatik?" litzateke
hurrengo galdera;
bakarra izan nahi ez
hau hobe ote da?
Mozolo bakar bat ez
bi mozolo gera. (bis)

J. Martin: Lanean jarduteko
bada astebete
ta asteburuetan
nahi dut asebete;
oporraren alperra
ez da irteten merke;
makinek ere opor
hartu nahi lukete. (bis)

A. Mendiluze: Baina ezin du eta
beraz martxan bego!
Hobe zure burua
halaxe balego!
Aurrerantzean jardun
kurioso edo...
Baja hartuko dezu
deskuidatu ezkero. (bis)

Martin: Baja hartu ezkero
a ze komeriak!
Nik nahita egiten dut
hor doaz egiak.
Preziorik ez dauka
puztuta begiak
jaikitzen zarenean
duzun aurpegiak. (bis)