Bertsoak - Fitxa ikusi Atal honi buruz gehiago jakiteko
2007-12-16 Donostia Txapelketa [Bertsoa] / Beñat Gaztelumendi, Aitor Mendiluze
2007-12-16 Donostia Txapelketa [Bertsoa] / Beñat Gaztelumendi, Aitor Mendiluze
Neurria:
Zortzikoa, berdinaren moldekoa, 6 puntuz (hg) / Sei puntukoa, berdinaren moldekoa (ip)
Kokapena:
XDZ - Xenpelar Dokumentazio Zentroa
A. Mendiluze: Bertatik eta bertara
gure belarrietara
aitaren hitzak sartu dira ta
nolako ikara!
Zalantzak argitu hara
nabarmena baita jada:
ez nun sinistu nahi Beñat baina
gaitza egia da. (bis)
B. Gaztelumendi: Lehen aita zena aitona
bihurtzea ez da broma!
Gaitza egia da ni're hortan
pentsatzen egona...
Hogeita lauaren sona
Gabona beti gau ona
baino hau ez da Olentzerori
eskatu niona. (bis)
A. Mendiluze: Opari hoien harira
broma bat balitz sikira!
Ta aita ez da ohartu behintzat
hainbestean tira...
Baina bikotea dira
eta amari begira:
ez dio ezer erantzun baina
negarrez ari da. (bis)
B. Gaztelumendi: Amaren begi ilunak
sortu ditu maitasunak
sendabiderik ez omen dauka
ta gaixotasunak.
Guri laguntzen jardunak
pasa dituzte egunak;
orain gu gera euren laguntzen
hasi behar degunak. (bis)
A. Mendiluze: Seme onaren eredu
zuk laguntzea erregu;
bale, atera beste plater bat
ta amari heldu...
Aitarekin bagaude gu
gaur lagundu dezakegu
ta bera ohera joaten denean
hitz egingo degu. (bis)
B. Gaztelumendi: Hitz egin gabe gardena
dago kezkatzen nauena
nahiz ahaztu etxea, ahaztu haurtzaroa
ta gure izena;
buruan eduki dena
familia bat garena;
hori da egin genezakeen
opari onena. (bis)
Datu-base honetan eskainitako informazioari buruz jakiteko, kontsultatu lege oharra