Bertsoak - Fitxa ikusi Atal honi buruz gehiago jakiteko
2007-10-06 Ataun Txapelketa [Bertsoa] / Iñigo Mantzizidor "Mantxi", Arkaitz Zelaia
2007-10-06 Ataun Txapelketa [Bertsoa] / Iñigo Mantzizidor "Mantxi", Arkaitz Zelaia
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
A. Zelaia: Margotutzeko nola geneukan
etxe haundi ta galanta
nere lanean izaten det nik
horrenbeste zalaparta;
nere ondoko hau itxura danez
degu artista aparta;
artista ez dakit izango dan hau
baino alperra galanta!
Mantxi: Rodilo haundi eta brotxekin
hor nun zabiltzan topian
nik akuarela berde ta roxa
mordo bat ditut potian;
pentsatu gero ez nabilela
horren modu arlotian:
nik paisajeak ikusten ditut
ezer ez dagon tokian.
A. Zelaia: Beraz paisajek ikuste'ituzu
egia da beharbada
zure lanean beharko dizut
besterik ezean laga
artista hauek aprobetxatu
ohi dutelako parada
eta errua hauena ez da
errua guztiona da.
Mantxi: Errekasto bat ikus dezaket
eta Txindoki gorago;
zuk Don Simona beti eskuan
zenbat txistu eta trago.
Zortzi orduko lanan ostean
ze kuxidadea klaro!
Zeure burua margotzen dezu
pareta baino gehiago!
A. Zelaia: Gure artistak nola badaukan
berean hainbat bertute...
Orain galanta bota didazu
nik lehen botearen truke;
nere burua margotu eta
dotore nago, ez uste
baina zurea ere nik laster
bapo margotuko nuke.
Mantxi: Orain artean ez nun ezautu
inor zu bezelakua
negozioa zera neretzat
sinistu esandakua;
aldrebeskerian segi holaxe
egin dezagun tratua
gero atzetik neuk konpontzen det
zuk gaizki egindakua.
Datu-base honetan eskainitako informazioari buruz jakiteko, kontsultatu lege oharra