Bertsoak - Fitxa ikusi Atal honi buruz gehiago jakiteko
2001-05-12 Irun Txapelketa [Bertsoa] / Bixente Gorostidi
2001-05-12 Irun Txapelketa [Bertsoa] / Bixente Gorostidi
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Diruarekin joan daiteke
mundu honetan noranahi,
dolar pila bat gastatu du ta
espazioraino bidai.
Baino halare nik nahiago det
zubipean bizi alai,
daukadanean jaten det eta
lo egin ere bai lasai,
hura ez baita munduan bizi,
ni nere kaxkarrean bai. (bis)
Inbiriz urtzen jende ugari
izan omen du begira,
baino neri horrek ezautu gabe
sorrarazten dit kupira.
Diruarekin betetzen ditu
lurrean mila desira;
ni ametsetan nahi dedanean
iristen naiz ilargira
ta biok lurra izango gera
hemendik urte gutxira. (bis)
Nahiz lastima izan mundu honetan
nahi dena lortuezina,
nahiz pena izan denen gainetik
jartzea diru zikina;
diruak ez du ziurtatuko
inoiz guztizko atsegina;
nere ogiari, nere lagunek
kentzen diote etekina,
mundu honetan lagunak dauzkat
Titok dolarrak adina. (bis)
Datu-base honetan eskainitako informazioari buruz jakiteko, kontsultatu lege oharra