Bertsoak - Fitxa ikusi Atal honi buruz gehiago jakiteko
2001-03-30 Legorreta Txapelketa [Bertsoa] / Pablo Suberbiola, Jokin Uranga
2001-03-30 Legorreta Txapelketa [Bertsoa] / Pablo Suberbiola, Jokin Uranga
Neurria:
Hamarreko txikia (hg) / Bost puntuko txikia (ip)
Kokapena:
XDZ - Xenpelar Dokumentazio Zentroa
SUBERBIOLA:
Moldatu beharra degu
guk daukagunera,
kasu hontan gelako
honen barrenera.
Nahi zenuke jolastu,
kanpora atera
hola soilik erantzun
nezake galdera:
Aterako gera bai,
aterako gera!
URANGA:
Baina ateratzeko
zein da ba baldintza?
Nere bizileku da
ziega zulo hitsa.
Lagunekin ezin dut
nahi bezala mintza,
lau pareten artean
daramat bizitza.
Hontarako hobe nun
jaio ez banintza!
SUBERBIOLA:
Nere bihotza dago
erdi urratua,
jasangaitza zait orain
zuk lehen galdetua.
Seme zauzkat barruan
horren errotua!
Nahiz ama hemen dagon
zurekin lotua
jakin zazu: hau ez da
amak hautatua.
URANGA:
Kalera irtetea da
nahi dudan bakarra,
kalean goxatzea
barruko negarra,
aspaldian galdua
baitaukat iparra.
Ez al zaizu iruditzen
oso gauza txarra:
zuk egindakoa nik
ordaindu beharra.
SUBERBIOLA:
Jakin banu agian
ez nuen sortuko,
ta bizitza ez zan hola
hainbat gogortuko,
ta ama ez zenuen
zuk gorrotatuko.
Jakin seme kalera
behin irten orduko:
zu ez zerala ama
adina poztuko.
URANGA:
Astean behin bakarrik
etortzen da aita,
horrela ezin dezaket
behar bezala maita.
Epaileak zigorra
baino ez du aipa,
ta ni hementxe nago
berak hala nahita
ezer ezin ulertuz,
ulergaitza baita.
Datu-base honetan eskainitako informazioari buruz jakiteko, kontsultatu lege oharra