BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusirako Gipuzkoako Sailkapena (2001)

Saioa

2001-03-23 Eibar Txapelketa

Gai-emailea

Aizpuru, Egoitz

Bertsolariak / Egileak

Egaña Calderon, Urko

Lizarralde Jimeno, Ander

Lana

Binaka gaia-emanda

Jarritako gaia

Aita-semeak zarete. Ander aita beti izan zara ekologista sutsua. Urko semeari galdetu diozu zer opari nahi duen urtebetetzetarako. Urko semeak eskopeta bat eskatu dizu.

Deskribapena

Doinua

Espainian behera

Neurria / Estrofaren izena

Hamarreko txikia (hg) / Bost puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2001-03-23 Eibar Txapelketa [Bertsoa] / Urko Egaña Calderon, Ander Lizarralde Jimeno

Neurria:  Hamarreko txikia (hg) / Bost puntuko txikia (ip) 
Kokapena:  XDZ - Xenpelar Dokumentazio Zentroa 

---

LIZARRALDE:
Eskopetak balio
horrenbeste pezta,
hala ere semeak
horixe dit eska;
ta horrekin batera
piztu nere kezka,
tiro ta zaratekin
egin nahi du festa,
plastikozkoa nahiko
duzu seme, ezta? (bis)

U. EGAÑA:
Nere eskakizuna
zaude zapuzteko,
baina zure eskaintza
ez daukat kalteko;
puntan kortxo txiki bat
geldi eta kieto,
hori ibiliko det
euliak hiltzeko
eta benetazkoa
uxoak biltzeko. (bis)

LIZARRALDE:
Apuntatu ta tiro
eskuin eskuakin,
bere begi okerraz
apuntatu ezin;
hau ez dago gustora
plastikozkuakin,
beste proposamen bat
behar diot egin:
lehenengo ikas zazu
tiragomarekin. (bis)

U. EGAÑA:
Aita zuretzat badet
majina bat mezu,
gauza lasai hartuta
goazen pausuz pausu;
eskopeta kontua
gai bikaina aizu,
zuk ere egun baten
hartu dezakezu,
aman errespetuan
sartu nahi badezu. (bis)

LIZARRALDE:
Lehenengo sartzen ditu
balatxo mordoak,
begi okerrarekin
kristoren falloak;
mila tiro jasota
gure Jaungoikoak
estinzioan daude
animalitxoak,
ta gero ta gehiago
zu bezelakoak (bis).

U. EGAÑA:
Nola agertzen zeran
arma hauen kontra,
ta nik zurekin nola
ezin dedan konta,
ez naiz jarriko triste
ez dio inporta;
zurekin berriz zertan
ipini lur jota?
Olentzerori ere
eskako diot ta.