BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusirako Gipuzkoako Sailkapena (2001)

Saioa

2001-03-24 Mutriku Txapelketa

Gai-emailea

Zaldua, Ion

Bertsolariak / Egileak

Mantzizidor, Iñigo "Mantxi"

Mujika, Manex

Lana

Binaka gaia-emanda

Jarritako gaia

Koinatu-koinatak zarete. Mantxi koinata solterak Manex zurekin haurra izatea gustatuko litzaiokeela esan dizu, baina hori bai, in vitro.

Deskribapena

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2001-03-24 Mutriku Txapelketa [Bertsoa] / Iñigo Mantzizidor "Mantxi", Manex Mujika

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

MUJIKA:
Koinata etorri zera
nere ingurura,
zeozer sartu omen
zaizu-ta burura;
semia egitea
omen dezu gura,
nola egiten diran
ba al dakizu ba?

MANTXI:
Zergatik ote zera
hain txilipitua?
Baina aita izateko
itxuraz nahikua,
nola ba ote dakidan
galdetutakua,
juxtu dakidalako
nahi det in vitrua.

MUJIKA:
Semea nahi dezula
in vitro halare;
baina kontu horretan
ez zabiltza trebe
zuk nahi dezun huraxe
ez al da ba grabe,
semia izatea
gozaturik gabe?

MANTXI:
Zergatik hasi zera
erdi mekasuenka,
umea euki nahi det
posturak gordeta;
laboratorioan
ta ez hor herrenka
umeakin nahikua
gozauko det eta.

MUJIKA:
Galdera egin zenun
balentriarekin,
baina koinata zuk jai
daukazu nerekin;
semerik nola ez dedan
egingo zurekin,
zer irtengo litzaken
nahiago ez jakin.

MANTXI:
Zuk ez dezu gustoko
nere teoria,
gehiago omen dezu
zuk kategoria.
Nik ez nukeela nahi
hori da egia,
zurekin egitia
lehenengo aldia