BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusirako Gipuzkoako Sailkapena (2001)

Saioa

2001-04-27 Amasa-Villabona Txapelketa

Gai-emailea

Jauregi, Saroi

Bertsolariak / Egileak

Jimenez, Alfonso

Zendoia, Nikolas

Lana

Binaka gaia-emanda

Jarritako gaia

Bertsolaria eta bertso epailea zarete. Nikolas, sailkapen faseko epaile taldean zaude. Alfontso atzo geratu zen sailkapenetik kanpo.

Deskribapena

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2001-04-27 Amasa-Villabona Txapelketa [Bertsoa] / Alfonso Jimenez, Nikolas Zendoia

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

ZENDOIA:
Ez nin uste hindudanik
hemen ikusiko,
Jainkoan moduan hago
ta leku guziko;
atzoko hire saioa
ez nian graziko
eta berriz epaitzen
gaur ez nauk hasiko.

JIMENEZ:
Gaur tabernan hitz egin
didazu xuabe,
atzo zu izan zinen
erruaren jabe
ta noski utzi nauzu
aukerarik gabe,
ni bialdu izana
ospatzen al zaude?

ZENDOIA:
Arkatzakin egin nian
benetan ahalegin,
baina heure aldetik
hik huan hutsegin.
Jarriko hindudan pozik
lehenakin berdin,
poto zipristin hura
ez bahuan egin.

JIMENEZ:
Atzo poto batekin
nere aukera hil zen,
ez al nauzu utzi behar
ni lasai bizitzen?
Zure langintza ez det
ondo konprenitzen,
bertsotan ez dakina
bertsuak epaitzen.

ZENDOIA:
Bertsolari zergatik
zaude hain zitala?
Atzoko arrats hori
zendun ostirala;
uste det denborakin
ohartuko zerala
epaileak epaile
izaten gerala.

JIMENEZ:
Argi gainditu nitun
nik bost kantu-lagun,
saioan jardun nintzen
gustora ta txukun
ta kalera bialduz
zuk gero erantzun,
entzulean txalorik
ez al zendun entzun?