BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusirako Gipuzkoako Sailkapena (2001)

Saioa

2001-04-28 Urretxu Txapelketa

Gai-emailea

Zaldua, Ion

Bertsolariak / Egileak

Mendiluze, Aitor

Suberbiola, Pablo

Lana

Binaka gaia-emanda

Jarritako gaia

Bi bertsozale zaituztegu. Zu, Pablo, adinean aurrera zoazena, eta, Aitor, berriz, gaztetxoa. Elkarren ondoan Hitzetik Hortzera programa ikusten ari zaretela, Aitor gaztetxoak, bertsolari zaharrak agertu direnean katez aldatu du telebista.

Deskribapena

Doinua

Praixku Galtzazarreta A

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2001-04-28 Urretxu Txapelketa [Bertsoa] / Aitor Mendiluze, Pablo Suberbiola

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

SUBERBIOLA:
Txapelketa kontuak
dira gehienean,
gazte erdi jardunak
hasteko planean;
orain futbolarekin
hasi afanean,
benetako bersoak
hasi diranean.

MENDILUZE:
Berso hoiek ez dira
neure begikoak,
nahiz ta teknikaz diren
kategorikoak;
errimaz txukunak ta
neurri-neurrikoak,
benetako bersoak
eta betikoak.

SUBERBIOLA:
Gazteak muitzen dira
batetik bestera;
ondo kantatu behar
al dek la ospera!
Zu ez zera iritsi
bersoa ulertzera,
ez badezu gozatzen
zaharren kantaera.

MENDILUZE:
Zaharrek kantatzen dute
hain doinu alaian,
mezu gabeko hainbat
bersotan jarraian;
ni ez naiz arituko
beraien usaian,
plazatan ikusterik
ez dedan garaian.

SUBERBIOLA:
Hortaz berso gustotan
ez gera moldatzen,
bion gustokorikan
ez dezu topatzen.
Bainan behintzat saiatu
ni errespetatzen
ta utziozu zaharrari
zaharrekin gozatzen.

MENDILUZE:
Gaur sutan ipiniko
bazaizu odola,
nik ez dizut kontrarik
egingo inola;
bainan jakin: hobe da
gazteen eskola,
Aitor Mendiluze ta
Pablo Suberbiola.