Bertsoak - Fitxa ikusi Atal honi buruz gehiago jakiteko
2001-03-23 Eibar Txapelketa [Bertsoa] / Joxe Munduate
2001-03-23 Eibar Txapelketa [Bertsoa] / Joxe Munduate
Neurria:
KOPLEN MULTZOA
Kokapena:
XDZ - Xenpelar Dokumentazio Zentroa
Begiratuz alajaina,
ez da egoera bikaina,
kontzientzian sortu izan zait
holako orbaina;
inor ezin dut engaina
saiatu ninteke baina;
zahartzaroan ez nuke hartu nahi
holako ordaina. (bis)
Aberats edo pobrea,
alaia edo noblea,
zahar-etxean ezindu samar
hor dago gordea;
lehen izan zena lorea,
orain zaharra, ordea;
horrela bizi baino hiltzea
ez al da hobea? (bis)
Hara zer den nire sena,
neuretzako ai zer pena!
Hitzak zuzentzen saiatu arren
falta zait kemena;
hau izan dute kondena,
ihesi itxaropena,
injustiziak hementxe dauka
seinale onena. (bis)
Datu-base honetan eskainitako informazioari buruz jakiteko, kontsultatu lege oharra