BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusirako Gipuzkoako Sailkapena (2001)

Saioa

2001-03-23 Zarautz Txapelketa

Gai-emailea

Jauregi, Saroi

Bertsolariak / Egileak

Epelde, Imanol

Lana

Bakarka gaia-emanda kartzelako-lana

Jarritako gaia

Zahar-etxe bateko langilea zara. Egunean zehar, hainbat aiton-amona ikusten dituzu egoera desberdinetan. Oharkabean, zeure zahartzaroa imajinatzen hasi zara. Hiru bertso nahi duzun doinu eta neurrian.

Deskribapena

Doinua

Ligoi bizitza ez da izaten

Neurria / Estrofaren izena

Neurri luzekoak

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2001-03-23 Zarautz Txapelketa [Bertsoa] / Imanol Epelde

Neurria:  Neurri luzekoak 
Kokapena:  XDZ - Xenpelar Dokumentazio Zentroa 

---

Orain hogeita lau urte inguru
ezagutu nun jaiotza,
gaztetatikan bihurritua
izan da nere bihotza.
Zahar-etxean nagoenetik
non da nere bizi-poza?
entzun det herion hotsa (bis)
Panorama hau ikusi eta
egin nahi nuke aitortza
zein urrun eta zein urbil dauden
bizitza ta heriotza (bis)

Esan bezela, heriotzari
aspaldi hartu nion usai
Hara! zaharrak ahulak dira,
ta garai batean galai.
Ez dut ikusi irriparrerik,
oso gutxi dute alai;
ez dira ezertako gai (bis)
Jana ahora eraman arren
beti dabiltza nolanahi
Zuek ez dakit, baina nik behintzat
ez nuke hola hiltzea nahi (bis)

Gela honetan inpotentziak
harrapatu nau luzaro,
ezin dezaket zahar artean
denbora gehio igaro.
Guztiak dira azken taupaden
eta arnasen esklabo
Joder! ezin det gehiago. (bis)
Modu honetan segi behar nukeen
ez dakit garbi zeharo,
agian salto egin behar nuke
leihoa zabalik dago (bis)