Bertsoak - Fitxa ikusi Atal honi buruz gehiago jakiteko
1988-03-20 Iruñea Txapelketa [Bertsoa] / Ernest Alkhat, Pablo Joxe Aristorena
1988-03-20 Iruñea Txapelketa [Bertsoa] / Ernest Alkhat, Pablo Joxe Aristorena
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
Alkat
Oraino ere naski
lagunak gabiltza
baina zure postura
oso da bortitza,
labur a in naiz eta
egin obra hitsa
barkatu, nik ondatu
derautzut bizitza.
Aristorena
Egunero kartzelan
ari naiz ai-aika
eta gaur horra non dan
Alkaten bixita;
gainera jartzen duzu
aurpegi polita
zoaz begi bixtatik
alu hipokrita.
Alkat
Mintzatua bait zira,
bihotza betean
badakit zureganat
nagola kaltean,
zai egongo naiz beti
kartzela atean
baina ez aserretu
aluen artean.
Aristorena
Honek lotsik ez dauka,
kristorenak dauzka,
nik ekintzik ez egin
epaileek juzka.
Aurpegia egingo
nizuke bi puska
guardiaren makila
eskuan hartuta.
Alkat
Hunek naski makila
derauka nagusi
baina ni naiz lapurra
bertze bat biluzi,
kartzela hortarikan
nahi zaitut jautsi
gorputza kendu baina
mingaina hor utzi.
Aristorena
Esaten du: "Ni nabil
hor eginalean
ikusi nahi bait zaitut
nerekin kalean".
Lagun ona bazara
sartu itzalean
bixitatuko zaitut
datorren hilean.
Datu-base honetan eskainitako informazioari buruz jakiteko, kontsultatu lege oharra