Bertsoak - Fitxa ikusi Atal honi buruz gehiago jakiteko
1989-04-16 Sunbilla Txapelketa [Bertsoa] / Bittor Elizagoien
1989-04-16 Sunbilla Txapelketa [Bertsoa] / Bittor Elizagoien
Kokapena:
XDZ - Xenpelar Dokumentazio Zentroa
Nahiz txarra neukan nere barruan
eta urritzen indarrak
larritasuna hortan zedukan
hemen nik bizi beharrak
bihotza neukan triste tristea
ta begietan negarrak
orain honera datozen berri
horiek ez dira hain txarrak
lehendabiziko bihotz-bihotzez
Jaungoikoari eskerrak.
Uste nuen nik hilko nintzala
ta naiz bizirik agertu
zuen aurrean hementxe nago
tenterik eta hain gertu
egun batean sufritzeko ni
egin bait nintzan hor sortu
baina gaur egun nere buruak
hauxe nahi luke aitortu
orain artean ziran negarrak
nahi ditut irri bihurtu.
Orain artean izan dedana
hain bizimodu zorrotza
egun batetik bestera zegon
nere zaintzan heriotza
alde batetik beste aldera
hil zori horretxen hotsa
baina nik ere zerbait egin nahi
ta hauxe gauza aproposa
neri lagundu duten guztiei
eman nahi diet bihotza.
Datu-base honetan eskainitako informazioari buruz jakiteko, kontsultatu lege oharra