1989-04-23 Baigorri Txapelketa [Bertsoa] / Ernest Alkhat, Joxe Fermin Argiñarena

Aita-semeak zarete. Zu, Alkat, aita zara eta semeari animali bat erosteko eta etxera ekartzeko baimena eman diozu. Zu, Argiñarena, semea zara eta tximinoarekin agertu zara etxera. Alkat hasi eta launa kobla.

Kokapena

Kokapena: XDZ - Xenpelar Dokumentazio Zentroa
Bilduma / Funtsa / Proiektua: Txapelketetako Bilduma

1989-04-23 Baigorri Txapelketa [Bertsoa] / Ernest Alkhat, Joxe Fermin Argiñarena

Kokapena: XDZ - Xenpelar Dokumentazio Zentroa

Alkat:
Baimena eman dautzut semea
ta tronpatu zira naski
zu etxe barnean izan geroz
bazen ziminorik aski.

J.F. Argiñarena:
Esan dekenarekin gaur Alkat
ni batez ados ez niok
zer bikote polita egingo
tximinoa eta biok.

Alkat:
Gaurko gazteak erotzen dira
naski dago betikoa
gure etxea laborantza da
ez da batere zirkoa.

J.F. Argiñarena:
Erakutsitzen gure aita honek
jarri ditun enpeinuak
txinunoak ikasiko ditu
nere aitaren keinuak.

AIkat:
Aitarenak ikasiko bainan
lehenik naski berea
etxetik kanpo zoaz horrekin
einen dezute parea.

J.F. Argiñarena:
Gure etxean errita asko
hori ez zan nere nahia
tximinoa, aita maitea zu
az al da gauza alaia.

Alkat:
Gauza alaia izan ditaike
baina nik ez dut atsegin
baimena lehen eman nuen ta
konpondu hor amarekin.

J.F. Argiñarena:
Orain amakin sartzeko ere
ez degula tenoria
estimatuko degu aurrera
tximinoan umoria.

Datu-base honetan eskainitako informazioari buruz jakiteko, kontsultatu lege oharra

BDB Bertsolaritzaren datu-basea

Bertsoak - Fitxa ikusi Atal honi buruz gehiago jakiteko