BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Nafarroako Bertsolari Txapelketa (20. 1991)

Saioa

1991-03-17 Doneztebe (N) Txapelketa

Gai-emailea

Larretxea, Patxi

Taberna, Mikel

Bertsolariak / Egileak

Elizagoien, Bittor

Mendiburu, Jean Pierre

Lana

Binaka gaia-emanda

Jarritako gaia

Auzoko zerria hil dute eta Elizagoien, herriko apez erretoreari, urdaiazpikoa eman diote; Mendibururi, herriko alkateari, lukainka muturra. Hiruna bertso zortziko txikian apeza hasita.

Deskribapena

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

1991-03-17 Doneztebe (N) Txapelketa [Bertsoa] / Bittor Elizagoien, Jean Pierre Mendiburu

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

Elizagoien:
Pozez beterik dago
gaur apaiz gaztia
ez pentsa nagonikan
batere tristia
erregalatu diate
gaur urdaiazpia
eta Mendibururi
bere argazkia.

Mendiburu:
Argazkiekin otoi
ez zaitela xora
lukainkekin ezin da
abia inora
zergaitik ukan dutan
heldu zaut gogora
zuk lukainka jadanik
duzu aski gora.

Elizagoien:
Lukainka kontuetan
nola zaigun hasi
alkate jauna dabil
nahikoa itsusi
herriari lapurtzen
karpeta ta guzi
gaur egun bertzerikan
ez zuen merezi.

Mendiburu:
Neure erranetik zu
zira trebeskatu
lukainka horrekilan
fitezko freskatu
ainitz neskari omen
diozu eskatu
ta xingar azpietan
maiz egin bekatu.

Elizagoien:
Apaizai hoi erraten
ez zara ez lotsa
nola bota didazun
arrazoi zorrotza
zerri muturra bait da
nahiko aproposa
zerri muturra duzu
zakurran bihotza.

Mendiburu:
Apez eta auzapez
bada mila kondu
gaur ere hemen biak
gu ezin konpondu
lukainka, xingarrazpi
biak ere on du
apaiz gaztea hobe
zinuke ezkondu.