Bertsoak - Fitxa ikusi Atal honi buruz gehiago jakiteko
1992-04-05 Iruñea Txapelketa [Bertsoa] / Ernest Alkhat, Bittor Elizagoien
1992-04-05 Iruñea Txapelketa [Bertsoa] / Ernest Alkhat, Bittor Elizagoien
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
B. Elizagoien:
Nere semea dabil
nahikoa itsusi
hargatik beharko det
nik hizketan hasi
nahiz ta lehenago nizun
asko irakatsi
irakasle bezela
ez dezu ikasi (bis).
E. Alkhat:
Zu maixu ona zinen
maixu berezia
zartakoak urririk
merke erasia
zure semeak aldiz
ba dauka grazia
hari erakasten dut
zuri ikasia (bis).
B. Elizagoien:
Orain bota didazu
arrazoi trebea
bainan ixilik egon
zuretzat hobea
lehen nahiz ta ikasi zuk
hor kalidadea
burua bauzu bainan
mamirik gabea (bis).
E. Alkhat:
Nere buru ttikiak
mami haundia du
lehen ikasi gauzik
ez dut inoiz galdu
zerbaiten erraiterat
aita nahiz zu heldu
ni pakean utzi ta
semea lagundu (bis).
B. Elizagoien:
Semeai laguntzarik
ez diot ukatu
baina zurekin ia
egin naiz nazkatu
orain beste gauza bat
egin dut pentsatu
semea beharko dut
eskolaz aldatu (bis).
E. Alkhat:
Aldatzea on dela
ez dago segurra
ondo ikas lezake
hark nere apurra
bainan etxeari du
egin behar agurra
txarren laguntza bait du
aitaren beldurra (bis).
Datu-base honetan eskainitako informazioari buruz jakiteko, kontsultatu lege oharra