BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Nafarroako Bertsolari Txapelketa (22. 1993)

Saioa

1993-04-04 Iruñea Txapelketa

Gai-emailea

Taberna, Mikel

Bertsolariak / Egileak

Atxotegi, Urko

Telletxea, Amaia

Lana

Binaka gaia-emanda

Jarritako gaia

Zu Amaia, udaltzaina zara, eta gaur gauean Urko, herriko alkatea, pixa egiten harrapatu duzu karrika batean. Amaia hasita hiruna bertso.

Deskribapena

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

1993-04-04 Iruñea Txapelketa [Bertsoa] / Urko Atxotegi, Amaia Telletxea

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

Amaia Teiletxea:
Gauean egiten dut
horrenbeste jira
eta gaur jarria naiz
honeri begira
kalean pixa egiten
hau nola ari da
herri hontako komunak
zertarako dira? (bis).

U. Atxotegi:
Gaur zer nola festa zen
hartu det mozkorra
pixa iten nengola
entzun det motorra
aguazila agertu
zait ondoren horra
ni zigortzea ere
ez al da gogorra? (bis).

Amaia Teiletxea:
Ez nun nik hau espero
gaurko hontan aizu
gazte hauek badute
ha¡nbat enbarazu
baina hurrengo baten
egidazu kasu
zure etxeko jardina
zikindu ezazu (bis).

U. Atxotegi:
Aguazila bronkaka
etorri zait kexu
zerbait esan behar ta
hainbat konpromezu
multarikan ez jarri
kontu egin zazu
lanpostua galtzea
nahi ez badezu (bis).

Amaia Teiletxea:
Mozkorra hartu eta
hemen da gailena
pixarekin zikindu
karrika gehiena
gaurkoan emango 'izut
nik bai barkamena
baina kontuz ibili
gaztea hurrena (bis).

U. Atxotegi:
Ni ez naiz horren zintzo
ibilia egun
edanez ta edanez
naiz ederki jardun
hitzegin behar degu
premia daukagun
ez zazu ezer esan
eta biok lagun (bis).