Bertsoak - Fitxa ikusi Atal honi buruz gehiago jakiteko
1993-04-04 Iruñea Txapelketa [Bertsoa] / Estitxu Arozena, Manolo Arozena
1993-04-04 Iruñea Txapelketa [Bertsoa] / Estitxu Arozena, Manolo Arozena
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
E. Arozena:
Gorputza dardazka dut
aurpegia ori
zakurra hemen dago
adi bezain lodi
zaindaririk zegonik
ez nintzen erori
utzidazu pakean
zakur osti hori (bis).
M. Arozena:
Aterikan sartu da
lapur itxusia
eraman nahi zun honek
zegoen guzia
baina garbi daduka
zakurrak auzia
defenditu behar du
bere nagusia (bis).
E. Arozena:
Bere etxeraino gaur
lapurra da sartzen
baina jokoarekin
ez da enteratzen
hasi behar kontuak
txit garbiak jartzen
ni laguntzearekin
ez duzu ezer galtzen (bis).
M. Arozena:
Ez dut nik deus 'e galtzen
hau esaten dabil
atetikan sartu da
orain umil umil
Nahi dezuna egiterik
ez daukazu trankil
ostutzen utzi baino
nahio dut bertan hil (bis).
E. Arozena:
Nik orain pentsatzen dut
hemen ez balego
odola gorantz doa
ta kopeta bero
irtenbidea aurkituz
ni nabila ero
beraz hilko zaitut ta
ostuko dut gero (bis).
M. Arozena:
Asko egin dezu zuk
hori esatia
eta lasaitu zaitez
lapurtxo gaztia
nik nere nagusia
nola det maitia
eta gainera daukat
zure hankan zatia (bis).
Datu-base honetan eskainitako informazioari buruz jakiteko, kontsultatu lege oharra