Bertsoak - Fitxa ikusi Atal honi buruz gehiago jakiteko
1999-11-28 Zarautz Txapelketa [Bertsoa] / Andoni Egaña
1999-11-28 Zarautz Txapelketa [Bertsoa] / Andoni Egaña
Kokapena:
XDZ - Xenpelar Dokumentazio Zentroa
Ohar txiki bat, ohiu ez txinta,
ordu onena da ilun txinta.
Bere buruaz beste egitea
sekula ez da polita.(bis)
Ezer ezin sinetsita
lurjota bezain etsita
egiten dute bisita.
Beste mundura, mundu honetan
ezin litezke bizi ta;
ez naiz harritzen, mundu honetan
zer dagoen ikusita.(bis)
Batek tiroa, batek tankea,
hemen burruka, han gerratea.
Mundu honetan oso da zaila
zoriontsu izatea.(bis)
"Bukatu eta pakea"
kolkorako esatea
ez da inoren kaltea.
Gizarte hau da nere iritziz
hutsa eta arlotea,
irtenbide bat iruditzen zait
duintasunez betea.
Inguruari zer atsekabe;
norbera izan bere urkabe.
Halare dena uler dezaket
zirkinikan egin gabe.
Ezintasunen mirabe,
zentzuz akaso nerabe,
nazkaturikan, herabe.
Erabakia geronena da,
hor gera Jainkoan pare,
askatasuna izan behar du
azken epairako ere.
Datu-base honetan eskainitako informazioari buruz jakiteko, kontsultatu lege oharra