BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Gipuzkoako Herri Arteko Bertsolari Txapelketa (1. 1999)

Saioa

1999-12-19 Azpeitia Txapelketa

Gai-emailea

Jauregi, Saroi

Bertsolariak / Egileak

Egaña, Andoni

Lana

Bakarka gaia-emanda kartzelako-lana

Jarritako gaia

Hauxe duzu hiru bertso nahi duzun neurri eta doinuan kantatzeko gaia: Euskal Herri txikiak garrantzi handia du zuretzat hori dela medio zure bizitzan itxaropenetik etsipenera doazen sentimenduak tartekatu zaizkizu. Hala ere, oraingoa une berezia delakoan zaude.

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

1999-12-19 Azpeitia Txapelketa [Bertsoa] / Andoni Egaña

Kokapena:  XDZ - Xenpelar Dokumentazio Zentroa 

---

Gure apustu, gure erronka,
gure ametsa, gure borroka,
hainbeste besoz jiraka hasi
sentimentuen errota.
Zenbat dabilzkigun kontra
ia ezin degu konta
baina ez gaude lur jota.
Euskal Herriak orain badauka
hainbat itxaropen mota
erabakitze eskubidea
eskuratzear dago ta.

Baina oraindik ez gaude alai,
ez gabiltz trankil, ez gaude lasai,
gure herriak izanagatik
berezko hainbeste dohai
bi inperioak etsai
ta gu bi haien hitzen zai
askok diote dugu jai!
Euskal Herrian hainbat etsipen
pilatu genezake, ai,
erabakitze eskubidea
haiek ez dute eman nahi.

Batzuk kartzela ta erbestea
herri batentzat zer desastrea!
Txiki ta handi dugun herria
zaharra bezain gaztea.
Euskal Herri bat askea
ez al da denon eskea?
Txikia baino ospea.
Ez al da hobe itxaropena
gaurtik ernetzen hastea?
Ta hortarako eskertuko det
su etenik ez haustea.