Bertsoak - Fitxa ikusi Atal honi buruz gehiago jakiteko
1999-12-19 Azpeitia Txapelketa [Bertsoa] / Andoni Egaña, Jexux Mari Irazu Muñoa
1999-12-19 Azpeitia Txapelketa [Bertsoa] / Andoni Egaña, Jexux Mari Irazu Muñoa
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
Egaña:
Benga, gazta puska bat.
Zure irrintzia.
Neurriz pasa zerala,
nere iritzia
ulertzen det gazteek
dezuten trantzia
baina komeni zaizu
disimulatzia.
J. M. Irazu:
Azokara etorrita
nolako sustoa
saltzaileak zuhurtzia
hain du berezkoa
lehen gazta muturra
dotore askoa
azkenengoak zuen
txangurro gustoa.
Egaña:
Honen gaiztakeria
ezin da kalkula
konturatu naiz gaizto
xamarra dugula
ene gaiztotxoa ez
egin neri burla,
txangurrorik ez dezu
probatu sekula
J. M. Irazu:
Intentzio galanta
izan un(e)n behinik behin
garestiegia zen
nahi badezu jakin.
Ni larri ibili naiz
txangurroarekin
baina zuk hau ez (duzu) egin
ardi esnearekin.
Egaña:
Nitaz fio ez danak
berak du kaltea
eskera etorrita
zer borondatea!
Hainbat gose badezu
gaztetxo maitea
aski dezu sobrako
azalak jatea.
J. M. Irazu:
Azala jan behar da
azala loditzeko
ta gero txapelketan
ondo aritzeko.
Nik igandean zita
dabilzkit trantzeko
porrurik ez al duzu
Egañarentzako?
Egaña:
Zuk eman dizkidazu
buruhauste franko
Egaña porru gabe
moldatzen da bapo.
Nahiz gazta ona izan
txapelketarako
moztu egingo dizu
beste zitarako.
J. M. Irazu:
Motxa gehiago moztea
izan leike txarra
halere denerako
pertsona abila.
Poltsa handi batean
sartu gazta pila
geroxeago etorriko da
Olentzero bila.
Datu-base honetan eskainitako informazioari buruz jakiteko, kontsultatu lege oharra